ഇശൽ ബാൻഡ് കുവൈറ്റ് ഇശൽ നൈറ്റ് സംഘടിപ്പിച്ചു

കുവൈറ്റ്: കുവൈറ്റിലെ കാലാകാരന്മാരുടെ കൂട്ടായ്മയായ ഇശൽ ബാൻഡ് കുവൈറ്റ് ഇശൽ നൈറ്റ് സംഘടിപ്പിച്ചു. കുവൈറ്റി ഗായകൻ മുബാറക് അൽ റാഷിദ് പരിപാടി ഉദ്ഘാടനം ചെയ്തു. ഇശൽ ബാൻഡ് ചെയർമാൻ ഗഫൂർ കൊയിലാണ്ടി അധ്യക്ഷത വഹിച്ചു. കൈകൊട്ടി പാട്ട് , കോൽക്കളി, ഒപ്പന, ഗാനമേള തുടങ്ങി നിരവധി കലാപരിപാടികൾ അരങ്ങേറി. സാംകാരിക രംഗത്ത് കഴിഞ്ഞ നാല്പതു വർഷമായി പ്രവർത്തിക്കുന്ന റോക് ചെയർമാൻ അബു, ജീവകാരുണ്യ പ്രവർത്തകൻ നാസർ ഇബ്രാഹിം, മിസിഷൻ മനോജ് തലശ്ശരി എന്നിവരെ സംഗമത്തിൽ ആദരിച്ചു.
സത്താർ കുന്നിൽ, ഷബീർ മണ്ടോളി, ആബിദ് ഐ ബ്ളാക്ക്, മജീദ് ബി കെ തുടങ്ങിയവർ ആശംസകൾ നേർന്നു സംസാരിച്ചു.
ഫൗസാൻ, ഫായിസ് മൊട്ടമ്മൽ, അഷ്‌റഫ് പയ്യോളി, നസീർ കൊച്ചി, റഹനേഷ് പയ്യോളി, വാജിദ് കൊല്ലം , അൻസാർ ചോല എന്നിവർ പരിപാടികൾക്ക് നേതൃത്വം നൽകി. ജനറൽ കൺവീനർ ഷമീദ് സ്വാഗതവും, മഹ്മൂദ് പെരുമ്പ നന്ദിയും പറഞ്ഞു.