കുവൈറ്റ് കെഎംസിസി തൃശ്ശൂർ ജില്ലാ കമ്മിറ്റി ഇൻസ്പയർ 2025 ലീഡർഷിപ്പ് ക്യാമ്പ് സംഘടിപ്പിച്ചു

കുവൈറ്റ് : കുവൈറ്റ് കെഎംസിസി തൃശ്ശൂർ ജില്ലാ കമ്മിറ്റി “ഇൻസ്പയർ 2025” ലീഡർഷിപ്പ് ക്യാമ്പ് സംഘടിപ്പിച്ചു. തൃശ്ശൂർ ജില്ലയിലെ മണ്ഡലം ഭാരവാഹികൾക്കായി സംഘടിപ്പിച്ച ക്യാമ്പിന് ജില്ലാ പ്രസിഡണ്ട് ഹബീബുള്ള മുറ്റിച്ചൂർ അധ്യക്ഷത വഹിച്ചു. കുവൈറ്റ് കെഎംസിസി സംസ്ഥാന വൈസ് പ്രസിഡന്റും മതകാര്യ വിങ്ങ് ചെയർമാനുമായ ഇഖ്ബാൽ മാവിലാട് ഉദ്ഘാടനം നിർവഹിച്ചു.

ക്യാമ്പ് നാല് സെഷനുകളിലായി വ്യത്യസ്ത വിഷയങ്ങളിൽ കേന്ദ്രികരിച്ചിരുന്നു:

ആത്മീയ സെഷൻ: “ഇസ്ലാം വിശ്വാസവും പ്രതീക്ഷയുടെ കരുത്തും” എന്ന വിഷയത്തിൽ ഷെഫീഖ് അബ്ദുൽ റഹീം മോങ്ങവിന്റെ ക്ലാസ്.
രാഷ്ട്രീയ സെഷൻ: “ന്യൂനപക്ഷ രാഷ്ട്രീയവും വർത്തമാന ഇന്ത്യയും” എന്ന വിഷയത്തെ ആസ്പദമാക്കി കുവൈത്ത് കെഎംസിസി ബാലുശ്ശേരി മണ്ഡലം പ്രസിഡണ്ടും വാഗ്മിയുമായ ഇസ്മായിൽ വള്ളിയോത്തിന്റെ ക്ലാസ്.
ആരോഗ്യ സെഷൻ: “പ്രവാസിയുടെ ആരോഗ്യ ചിന്തകൾ” എന്ന വിഷയത്തിൽ കുവൈത്തിലെ ആരോഗ്യ മേഖലയിൽ പ്രമുഖനായ മുഹമ്മദ് ഷബീറിന്റെ ക്ലാസ്.
മോട്ടിവേഷൻ സെഷൻ: “വ്യക്തിത്വ വികാസവും സാമൂഹ്യബോധവും” എന്ന വിഷയത്തിൽ പ്രശസ്ത മോട്ടിവേഷണർ ശ്രീകാന്ത് വാസുദേവന്റെ ക്ലാസ്.

ക്യാമ്പിൽ പങ്കെടുത്ത എല്ലാവർക്കും കുവൈറ്റ് കെഎംസിസി ജില്ലാ കമ്മിറ്റി സർട്ടിഫിക്കറ്റ് നൽകി ആദരിച്ചു. കുവൈറ്റ് കെഎംസിസി ആക്ടിംഗ് പ്രസിഡണ്ട് റൗഫ് മഷ്ഹൂർത്തങ്ങൾ, വൈസ് പ്രസിഡണ്ട് ഫാറൂഖ് ഹംദാനി, സെക്രട്ടറി സലാം പട്ടാമ്പി, ഉപദേശക സമിതി അംഗം ഉമ്മർ കുട്ടി എന്നിവർ സർട്ടിഫിക്കറ്റുകൾ വിതരണം ചെയ്തു.
കൂടാതെ, കുവൈറ്റ് കെഎംസിസി സ്റ്റേറ്റ് കമ്മിറ്റി സംഘടിപ്പിച്ച തംകിൻ 2024 മഹാസമ്മേളനത്തിൽ സേവനമനുഷ്ഠിച്ച തൃശ്ശൂർ ജില്ല വൈറ്റ് ഗാർഡ് അംഗങ്ങളെ ക്യാമ്പിൽ ഷാൾ അണിയിച്ച് ആദരിച്ചു.
സമാപന സമ്മേളനത്തിൽ കുവൈറ്റ് കെഎംസിസി സംസ്ഥാന, ജില്ല, മണ്ഡലം ഭാരവാഹികൾ പങ്കെടുത്തു. ജനറൽ സെക്രട്ടറി മുഹമ്മദലി പി.കെ. സ്വാഗതവും ട്രഷറർ അസീസ് പാടൂർ നന്ദിയും പറഞ്ഞു.