മലപ്പുറം ജില്ലാ അസോസിയേഷൻ കുവൈറ്റ് ഈണം 2K24 ആഘോഷിച്ചു
കുവൈറ്റ്: മലപ്പുറം ജില്ലക്കാരുടെ കൂട്ടായ്മയായ മലപ്പുറം ജില്ലാ അസോസിയേഷൻ കുവൈറ്റ് (MAK) “ഈണം 2K24” എന്ന പേരിൽ ഓണാഘോഷം സംഘടിപ്പിച്ചു. പ്രസിഡന്റ് അഡ്വ. മുഹമ്മദ് ബഷീർ അധ്യക്ഷത വഹിച്ച ചടങ്ങിൽ അഫ്സൽ ഖാൻ ഭദ്രദീപം തെളിയിച്ച് ഈണം 2K24 ഉദ്ഘാടനം ചെയ്തു. ജനറൽ സെക്രട്ടറി നസീർ കാരംകുളങ്ങര സ്വാഗതം പറഞ്ഞു. വനിതാ വിങ് ജനറൽ സെക്രട്ടറി സിമിയ ബിജു, രക്ഷാധികാരികളായ വാസുദേവൻ മമ്പാട്, അനസ് ഉദ്യ, മുസ്തഫ കാരി, മുസ്തഫ ഉണ്ണിയാലുക്കൽ, ജനറൽ കൺവീനർ പ്രജിത് മേനോൻ തുടങ്ങിയവർ ആശംസകൾ അർപ്പിച്ചു. ചെയർമാൻ സലിം നിലമ്പൂർ നന്ദി രേഖപെടുത്തി.
സമൃദ്ധമായ ഓണസദ്യയും തിരുവാതിര, ഒപ്പന തുടങ്ങിയ പരമ്പരാഗത കലാപരിപാടികളും അരങ്ങേറി. പ്രോഗ്രാം കമ്മിറ്റി കൺവീനർമാരായ അഷ്റഫ് ചൂരോട്ട്, സ്റ്റെഫി സുദീപ്, ഷറഫുദ്ദീൻ പുറക്കായിൽ, മാർട്ടിൻ ജോസഫ്, അജ്മൽ വേങ്ങര, റാഫി ആലിക്കൽ, ഷൈല മാർട്ടിൻ, അഡ്വ. ജസീന ബഷീർ എന്നിവർ നേതൃത്വം നൽകി.
