മുൻ പ്രധാനമന്ത്രി ഡോ. മൻമോഹൻസിങിന് സ്മരണാഞ്ജലി അർപ്പിച്ച് ഒ ഐ സി സി കുവൈറ്റ്

കുവൈറ്റ്: ഒ ഐ സി സി കുവൈറ്റ് നാഷണൽ കമ്മറ്റിയുടെ ആഭിമുഖ്യത്തിൽ അന്തരിച്ച മുൻ പ്രധാനമന്ത്രി ഡോ. മൻമോഹൻ സിങ്ങിന്
സ്മരണാഞ്ജലി അർപ്പിച്ച് അനുശോചന യോഗം ചേർന്നു. സംഘടനാ ചുമതലയുള്ള ജനറൽ സെക്രട്ടറി ബി.സ്. പിള്ള അധ്യക്ഷത വഹിച്ചു. അന്തരിച്ച സാഹിത്യകാരൻ എം.ടി. വാസുദേവൻ നായർക്ക് ആദരവ് അർപ്പിച്ചുകൊണ്ടാണ് ചടങ്ങുകൾ ആരംഭിച്ചത്. യോഗത്തിൽ കെഎംസിസി നാഷണൽ കമ്മറ്റി വൈസ് പ്രസിഡന്റ് ഫാറൂഖ് ഹമദാനി മുഖ്യ പ്രഭാഷണം നടത്തി. ഗ്രാമീണ ജനതയുടെ കയ്യിൽ പണം എത്തിക്കാനുള്ള പ്രായോഗിക മാർഗങ്ങൾ അവംലബിക്കുകയും നടപ്പാക്കുകയും ചെയ്തു എന്നതാണ് മൻമോഹൻ സിംങിന്റെ സമഗ്ര സംഭാവനകളിൽ ഒന്നെന്നും. നരസിംഹറാവു മന്ത്രിസഭയിൽ ധനമന്ത്രിയായിരിയ്ക്കേ ബാങ്കിങ് മേഖലയിലെ ഉന്നത പദവികളിൽ നിന്ന് ആര്ജിച്ചെടുത്ത കഴിവ് പ്രയോജനപ്പെടുത്തിയതുകൊണ്ടാണ് പിന്നീട് വന്ന സാമ്പത്തിക ഞെരുക്കത്തിൽ നിന്നും ഇന്ത്യക്ക് പിടിച്ചു നിൽക്കാനായത് എന്നും ഹമദാനി ഓർമിപ്പിച്ചു.

കൃഷ്ണൻ കടലുണ്ടി അനുശോചനകുറിപ്പ് അവതരിപ്പിച്ചു. മഹാത്മാ ഗാന്ധി ദേശീയ ഗ്രാമീണ തൊഴിലുറപ്പു പദ്ധതി, ഭക്ഷ്യ സുരക്ഷാ പദ്ധതിയടക്കമുള്ള സാമൂഹിക സുരക്ഷിതത്വ പദ്ധതികൾ മൻമോഹൻസിങ്ങിന്റെ തൊപ്പിയിലെ തൂവലുകളായി രാജ്യത്തെ ജനത എന്നും ഓർമ്മിക്കുമെന്ന് അനുശോചനകുറിപ്പിൽ പരാമർശിച്ചു . കെ എം സി സി കോഴിക്കോട് ജില്ലാ പ്രസിഡന്റ് അസീസ് തിക്കോടി, ഒഐസിസി നാഷണൽ സെക്രട്ടറി നിസ്സാം തിരുവനന്തപുരം, , ഒഐസിസിയുടെ വിവിധ ജില്ലകമ്മിറ്റി പ്രതിനിധികളായ ഷഫാസ് അഹ്‌മദ്‌ ഫസൽ, ബിനോയ് ചന്ദ്രൻ, സുരേന്ദ്രൻ മൂങ്ങത്ത്, അനൂപ് സോമൻ, ഷോബിൻ സണ്ണി, ബാത്തർ വൈക്കം, സാബു പോൾ, എബി പത്തനംതിട്ട, അൽ അമീൻ, മാത്യു മാറനാട്‌, വിൽസൺ ബത്തേരി, ചിന്നു റോയ്, അനിൽ ചീമേനി, വിനീഷ് പല്ലക്, അനിൽ വർക്കല, റെജി കൊരുത്, ഇസ്മായിൽ മലപ്പുറം, ബാബു എബ്രഹാം തുടങ്ങിയവർ പങ്കെടുത്തു.