തനിമ കുവൈറ്റ് ‘ഓണത്തനിമ 2024’ സംഘടിപ്പിച്ചു
കുവൈറ്റ് : തനിമ കുവൈറ്റ് ‘ഓണത്തനിമ 2024’ ന്റെ ഭാഗമായി 20-തോളം ടീമുകൾ പങ്കെടുത്ത 18-ആം ദേശീയ വടംവലി മത്സരം സംഘടിപ്പിച്ചു. കൂടാതെ ഇന്ത്യൻ സ്കൂളുകളിൽ നിന്നും തിരഞ്ഞെടുക്കപ്പെട്ട 27 വിദ്യാർത്ഥികൾക്ക്‌ എ.പി.ജെ. അബ്ദുൽ കലാം പേൾ ഓഫ് ദി സ്കൂൾ അവാർഡും സമ്മാനിച്ചു.
ഓണത്തനിമ കൺവീനർ ദിലീപ്‌ ഡി.കെ. അധ്യക്ഷത വഹിച്ച ചടങ്ങിൽ ഉഷ ദിലീപ്‌ സ്വാഗതവും ഓണതനിമ ജോയിന്റ്‌ കൺവീനർ കുമാർ തൃത്താല നന്ദിയും രേഖപ്പെടുത്തി. തനിമ ജനറൽ കൺവീനർ ജോജിമോൻ തോമസ്‌ ആമുഖ പ്രഭാഷണം നടത്തി.
ജോയൽ ജേക്കബ്‌ ( എക്സിക്യൂട്ടീവ്‌ അഡ്മിൻ മാനേജർ- യുണൈറ്റഡ്‌ ഗ്രൂപ്പ്‌ ഓഫ് സ്കൂൾസ്‌) ഉദ്ഘാടനം നിർവ്വഹിച്ചു. സിറ്റി ഗ്രൂപ്പ്‌ കമ്പനി ഗ്രൂപ്‌ സിഇഒ ഡോ: ധീരജ്‌ ഭരദ്വാജ്‌ മുഖ്യപ്രഭാഷണം നടത്തി.
മാത്യു വർഗീസ്‌ (സിഇഒ – ബഹറൈൻ എക്സ്ചേഞ്ച്‌) , മുസ്തഫ ഹംസ (ചെയർമാൻ & സിഇഒ മെട്രോ മെഡിക്കൽ ഗ്രൂപ്പ്‌) , കെഎസ്‌ വർഗ്ഗീസ്‌ (എം.ഡി.- ജി.എ.ടി) , മുഹമ്മദ്‌ അലി (ഓപറേഷൻ മാനേജർ- മാൻഗോ ഹൈപ്പർമാർക്കറ്റ്‌ ), റാണാ വർഗീസ്‌ (തനിമ ട്രഷറർ) , ജിനു കെ അബ്രഹാം (തനിമ ഓഫീസ്‌ സെക്രെട്ടറി) എന്നിവർ ആശംസകൾ അർപ്പിച്ചു. അലീന ജിനൊ, ദൃശ്യ പി സംഗീത്‌, ജുവാന ഷാജി എന്നീ കുട്ടിത്തനിമ അംഗങ്ങൾ പ്രാർത്തനാഗീതം ആലപിച്ചു.
തനിമ വടംവലി മത്സരത്തിനു ടഗ്‌ ഓഫ് വാർ ഫെഡറേഷൻ ഓഫ് ഇന്ത്യയുടെ അംഗീകാരം ലഭിച്ചതിന്റെ ലോഗോ പ്രകാശനം പ്രശസ്ത കരാട്ടേ കായിക താരം സുരേഷ്‌ കാർത്തിക്‌ നിർവ്വഹിച്ചു. ടഗ്‌ ഓഫ് വാർ ഫേഡറേഷൻ ഓഫ് ഇന്ത്യ – പ്രസിഡന്റ്‌ ഹരി ശങ്കർ ഗുപ്ത ഓൺലൈനിൽ ആശംസകൾ അറിയിച്ചു.
ശിവാണി ചൗഹാൻ (ഇന്ത്യൻ ഇന്റർനാഷണൽ വോളിബോൾ താരം) പതാക സ്പോട്സ്‌ കൺവീനർ ജിൻസ്‌ മാത്യുവിനു കൈമാറി വടംവലി മത്സരം ഫ്ലാഗ്‌ ഓഫ് ചെയ്തു.
തനിമ ഡയറക്ടറി കൺവീനർ ഷാമോൻ ജേക്കബിൽ നിന്ന് ബിഇസി മാത്യു വർഗ്ഗീസും ഗൾഫ്‌ അഡ്വാൻസ്‌ഡ്‌ ടെക്നോളജി എം.ഡി കെ.എസ്‌ വർഗ്ഗീസും ഏറ്റുവാങ്ങി റിലീസ്‌ ചെയ്തു.
മെട്രോ മെഡികൽ ഗ്രൂപ്പിന്റെ 10-ആം വാർഷിക ലോഗോ പ്രകാശനവും പ്രൊഫെയിൽ അവതരണവും സംഘടിപ്പിച്ചു. മെട്രോ മെഡിക്കൽ ഗ്രൂപ്പിന്റെ വരുംകാല പദ്ധതികളും ജനക്ഷേമസേവനങ്ങളും ചെയർമാൻ മുസ്തഫ ഹംസ വിവരിച്ചു.
നൃത്തകലാകാരൻ കൃഷ്ണപ്രസാദിനും സിവി എൻ കളരിയുടെ ഷെബിക്കും തനിമയുടെ ആദരവ്‌ നൽകി.
ഇന്ത്യൻ സ്കൂളുകളിൽ നിന്നും തിരഞ്ഞെടുക്കപ്പെട്ട 27 വിദ്യാർത്ഥികൾക്ക്‌ ഉള്ള എ.പി.ജെ. അബ്ദുൽ കലാം പേൾ ഓഫ് ദി സ്കൂൾ അവാർഡ്‌ ദാനം നടന്നു. തുടർന്ന് 20തോളം ടീമുകൾ പങ്കെടുത്ത 18-ആം ദേശീയ വടംവലി മത്സരം നടന്നു. ബാബുജി ബത്തേരി, പൗർണമി സംഗീത്‌ എന്നിവർ ഏകോപനം നിർവഹിച്ചു.
