യൂത്ത് ഇന്ത്യ ഇസ്ലാമിക ഫെസ്റ്റ് | അബ്ബാസിയ സോൺ ജേതാക്കൾ

കുവൈറ്റ് : യൂത്ത് ഇന്ത്യ സംഘടിപ്പിച്ച ഇസ്ലാമിക ഫെസ്റ്റിൽ അബ്ബാസിയ സോൺ ഒന്നാം സ്ഥാനവും ഫഹാഹീൽ സോൺ രണ്ടാം സ്ഥാനവും കരസ്ഥമാക്കി. കുവൈറ്റിന്റെ നാനാഭാഗങ്ങളിൽ നിന്നായി സ്ത്രീകളും, പുരുഷന്മാരും കുട്ടികളും അടക്കം 700-ൽ അധികം മത്സരാർത്ഥികൾ പങ്കടുത്തു. 10 സ്റ്റേജുകളിലായാണ് മത്സരങ്ങൾ നടന്നത്.
യൂത്ത് ഇന്ത്യ രക്ഷാധികാരിയും കെ ഐ ജി പ്രസിഡന്റുമായ ശരീഫ് പി ടി ഉദ്‌ഘാടനം നിർവഹിച്ചു. യൂത്ത് ഇന്ത്യ പ്രസിഡണ്ട് സിജിൽ ഖാൻ അധ്യക്ഷത വഹിച്ചു. അസീം സേട്ട് സുലൈമാൻ ആശംസകൾ നേർന്നു.

ഖുർആൻ പാരായണം, ഹിഫ്ള്, ബാങ്ക് വിളി, പ്രസംഗം, ഗാനം, രചനാ മത്സരങ്ങൾ, സംഘഗാനം, ഒപ്പന, ടാബ്ലോ , കോൽക്കളി തുടങ്ങി വിവിധ മത്സരങ്ങൾ നടന്നു. സിനിമ പിന്നണി ഗായിക ദനാ റാസിഖ് മുഖ്യാതിഥിയായി പങ്കെടുത്തു.
യൂത്ത് ഇന്ത്യ ജനറൽ സെക്രട്ടറി ഹഷീബ്, ഇസ്ലാമികക് ഫെസ്റ്റ് ജനറൽ കൺവീനർ മുഹമ്മദ് യാസിർ, എക്സിക്യൂട്ടീവ് അംഗങ്ങളായ മഹ്നാസ്, സൽമാൻ, അഷ്ഫാക്, സിറാജ്,അകീൽ, റമീസ്, മുക്സിത്, ഉസാമ,ജുമാൻ, ജവാദ്, ബാസിൽ എന്നിവർ പരിപാടിയുടെ ഏകോപനം നിർവഹിച്ചു.