പാവ്സ് ആൻഡ് ടെയിൽസ് കാർണിവൽ സംഘടിപ്പിച്ച് കുവൈറ്റ് ലുലു ഹൈപ്പർ

കുവൈറ്റ് : കുവൈറ്റ് ലുലു ഹൈപ്പർമാർക്കറ്റ് പാവ്സ് ആൻഡ് ടെയിൽസ് കാർണിവൽ സംഘടിപ്പിച്ചു. മൃഗ സ്നേഹികളുടെയും
സസ്യപ്രേമികളുടെയും സംഗമം ആയി മാറിയ കാർണിവലിൽ വിവിധ വളർത്തുമൃഗങ്ങളുടെയും, ചെടികളുടെയും പ്രദർശനവും നടന്നു. വളർത്തുനായകളുടെയും, പൂച്ചകളുടെയും ഫാഷൻ ഷോയും ആകർഷകമായി. തത്തകൾ, ചെറിയ പക്ഷികൾ, ഉരഗങ്ങൾ, പാമ്പുകൾ തുടങ്ങിയ അപൂർവ ഇനം പക്ഷികളും , മൃഗങ്ങളും പ്രദർശനത്തിൽ ഉണ്ടായിരുന്നു. വളർത്തുമൃഗങ്ങളുടെ ഭക്ഷണത്തിനും അതിനോട് അനുബന്ധിച്ചുള്ള ഉപകരണങ്ങൾക്കും പ്രത്യേക വില കിഴിവ് ലഭിക്കുന്ന കൗണ്ടറുകളും കാര്ണിവലിന്റെ ഭാഗമായി ഒരുക്കിയിരുന്നു. പരിസ്ഥിതി സൗഹാർദ്ദം പ്രോത്സാഹിപ്പിക്കുന്ന ‘Go Green Campaign’ നും കാര്ണിവലിന്റെ ഭാഗമായിരുന്നു . കുവൈറ്റിലെ പ്രമുഖ നഴ്‌സറികൾ പരിപാടിയിൽ പങ്കാളികളായി. ഇതിനോടൊപ്പം പൊതു ജനങ്ങൾക്കായി സംഘടിപ്പിച്ച , ‘മികച്ച പൂന്തോട്ടം 2024’, ‘മികച്ച ബാൽക്കണി ഗാർഡൻ 2024’. എന്നീ ആവേശകരമായ മത്സരങ്ങളിൽ നിരവധി പേർ പങ്കെടുത്തു. ലുലു ഉന്നത മാനേജ്‌മെന്റ് പ്രതിനിധികൾ വിജയികൾക്കുള്ള സമ്മാനങ്ങൾ വിതരണം ചെയ്തു.