കുവൈറ്റ് ഭരണ നേതൃത്വത്തെ ഈദ് അൽ അദ്ഹ ആശംസകൾ അറിയിച്ച് ഇന്ത്യൻ പ്രധാനമന്ത്രി

ന്യൂഡൽഹി: കുവൈറ്റ് അമീർ അമീർ, കിരീടാവകാശി, പ്രധാനമന്ത്രി എന്നിവർക്ക് ഇന്ത്യൻ പ്രധാനമന്ത്രി നരേന്ദ്ര മോദി ഈദ് അൽ അദ്ഹ ആശംസകൾ അറിയിച്ച് സന്ദേശം നൽകി. ഈദ് അൽ അദ്ഹയുടെ സുപ്രധാന അവസരത്തിൽ ഇന്ത്യൻ പ്രധാനമന്ത്രി നരേന്ദ്ര മോദി കുവൈറ്റ് അമീർ ഷെയ്ഖ് മെഷാൽ അൽ-അഹമ്മദ് അൽ-ജാബർ അൽ-സബാഹ്, കിരീടാവകാശി ഷെയ്ഖ് സബാഹ് ഖാലിദ് അൽ-ഹമദ് അൽ-മുബാറക് അൽ സബാഹ്, പ്രധാനമന്ത്രി ഷെയ്ഖ് അഹമ്മദ് അബ്ദുല്ല അൽ-അഹമ്മദ് അൽ-ജാബർ അൽ-സബാഹ് എന്നിവർക്ക് ഈദ് അൽ അദ്ഹയുടെ ശുഭകരമായ അവസരത്തിൽ ഊഷ്മളമായ ആശംസകൾ അറിയിച്ചു.
ത്യാഗം, അനുകമ്പ, സാഹോദര്യം എന്നിവയുടെ മൂല്യങ്ങൾ ഉൾകൊള്ളുന്ന സന്ദേശം നൽകുന്ന ആഘോഷമാണിതെന്നും ഇതേ മൂല്യങ്ങൾ സമാധാനപരവും എല്ലാവരെയും ഉൾക്കൊള്ളുന്നതുമായ ഒരു ലോകം കെട്ടിപ്പടുക്കുന്നതിൽ അത്യന്താപേക്ഷിതമാണന്നും പ്രധാനമന്ത്രി സന്ദേശത്തിൽ പറഞ്ഞു. ഈ ഉത്സവം ഇന്ത്യയുടെ ബഹുസ്വര സാംസ്‌കാരിക പൈതൃകത്തിൻ്റെ അവിഭാജ്യ ഘടകമാണെന്നും ഇസ്‌ലാമിക വിശ്വാസമുള്ള ദശലക്ഷക്കണക്കിന് ഇന്ത്യൻ പൗരന്മാർ ആഘോഷിക്കുന്നുവെന്നും എടുത്തുപറഞ്ഞ പ്രധാനമന്ത്രി ഇന്ത്യയുടെ ബഹുസ്വര സാംസ്‌കാരിക പൈതൃകത്തിന്റെ ഭാഗമായാണ് ഈ ഉത്സവം വലിയ രീതിയിൽ ആഘോഷിക്കപ്പെടുന്നതെന്നും പരാമർശിച്ചു. കുവൈറ്റ് അമീർ, കിരീടാവകാശി, പ്രധാനമന്ത്രി എന്നിവരുടെ നല്ല ആരോഗ്യത്തിനും ക്ഷേമത്തിനും പ്രധാനമന്ത്രി ആശംസകൾ നേർന്നു.