‘ക്വിക്ഫ്‌ലിക്‌സ്’ ഫസ്റ്റ് ലുക്ക് പോസ്റ്റർ പ്രകാശനം ചെയ്തു
കുവൈറ്റ്: കുവൈറ്റിൽ ആദ്യമായി സംഘടിപ്പിക്കപ്പെടുന്ന സ്പോട് ഫിലിം ക്രീയേഷൻ കോണ്ടസ്റ്റ് മെയ്‌ 31-ന് നടക്കും. ‘ക്വിക്ഫ്‌ലിക്‌സ്’ എന്ന പേരിൽ നടത്തുന്ന പരിപാടിയുടെ സംഘാടകർ കുവൈറ്റ് ഫിലിം എന്തുസിയസ്റ്റ് (കെ എഫ് ഇ) ആണ് . ആട് ജീവിതം സിനിമയിലെ ” പെരിയോനെ …”എന്ന പ്രേക്ഷക ശ്രെദ്ധ നേടിയ ഗാനം ആലപിച്ച ജിതിൻ രാജ് , പ്രശസ്ത ചലച്ചിത്ര താരം റീമ കല്ലിങ്ങൽ, ഡയറക്ടർ ജിനു എബ്രഹാം, ചായഗ്രഹകൻ സമീർ ഹക്ക് എന്നിവർ പരിപാടിയിൽ പങ്കെടുക്കും.
കുവൈറ്റ് ഫിലിം എന്തുസിയസ്റ്റ് (കെ എഫ് ഇ) -ന്റെ മെഗാ ഇവന്റ് ആയ ‘ക്വിക്ഫ്‌ലിക്‌സ്’ ഫസ്റ്റ് ലുക്ക് പോസ്റ്റർ, റാഫിൾ എന്നിവയുടെ പ്രകാശനം നടന്നു . മെഗാ ഇവന്റ് ഷോ ഡയറക്ടർ വട്ടിയൂർക്കാവ് കൃഷ്ണകുമാർ സ്വാഗതം പറഞ്ഞചടങ്ങിൽ നിഷ സുനിൽ ഫസ്റ്റ് ലുക്ക് പോസ്റ്റർ പ്രകാശനം ചെയ്തു. സാമൂഹിക പ്രവർത്തകനും കെ എഫ് ഇ കൺവീനർ ഉം ആയ ഹബീബ് മുറ്റിച്ചൂർ റാഫിൾ കൂപ്പൺ പ്രകാശനം ചെയ്തു. കുവൈറ്റ് പ്രവാസം മതിയാക്കി പോകുന്ന കെ എഫ് ഇ മെമ്പർ അരവിന്ദ് കൃഷ്ണണന് കെ എഫ് ഇ രക്ഷാധികാരി ജിനു വൈക്കത്ത് മൊമെന്റോ നൽകി ആദരിച്ചു. കെ എഫ് ഇ പ്രോഗ്രാം ട്രഷറർ ശരത് നായർ, എക്സിക്യൂട്ടീവ് മെമ്പർമാരായ സതീഷ് പൂയത്ത് , അഖില അൻവി , ജോജൻ, സിന്ധു രാജീവ് എന്നിവർ ആശംസകൾ അർപ്പിച്ചു. കെ എഫ് ഇ പ്രോഗ്രാം ആര്ട്ട് കൺവീനർ രമ്യ രതീഷ് നന്ദി രേഖപ്പെടുത്തി. കൺവീനർമാരായ ചന്ദ്രമോഹൻ, വിഷ്ണു ജയകൃഷ്ണൻ എന്നിവർ ഏകോപനം നിർവഹിച്ചു.
