ട്രാസ്ക് ഇഫ്താർ സംഗമം സംഘടിപ്പിച്ചു
കുവൈറ്റ് : തൃശ്ശൂർ അസോസിയേഷൻ ഓഫ് കുവൈറ്റ് (ട്രാസ്ക്) അംഗങ്ങൾക്കായി ഇഫ്താർ സംഗമം സംഘടിപ്പിച്ചു.
അസോസിയേഷൻ പ്രസിഡന്റ് ബിജു കടവി അദ്ധ്യക്ഷത വഹിച്ച ചടങ്ങിൽ ആക്റ്റിംഗ് ജനറൽ സെക്രട്ടറി ബിജു സി ഡി സ്വാഗതം പറഞ്ഞു. വിശിഷ്ട അതിഥിയും സാമൂഹ്യ പ്രവർത്തകനുമായ മനോജ്‌ മാവേലിക്കര, ട്രാസ്ക് വനിതാവേദി ജനറൽ കൺവീനർ ജെസ്‌നി ഷമീർ, ട്രാസ്ക് വൈസ് പ്രസിഡന്റ് ജഗദാംബരൻ, സൈമൺ പള്ളിക്കുന്നത്ത് എന്നിവർ ആശംസകൾ അർപ്പിച്ച് സംസാരിച്ചു. തുടർന്ന് ഇസ്ലാമിക പണ്ഡിതനും എഴുത്തുകാരനും ചടങ്ങിലെ മുഖ്യപ്രഭാഷകനുമായ ഫൈസൽ മഞ്ചേരി ഇഫ്താർ സന്ദേശം നൽകി.
അസോസിയേഷൻ മുൻ ഭാരവാഹികൾ, ഏരിയ കൺവീനർമാർ, ഇലക്ഷൻ കമ്മീഷണർ, ഉപദേശക സമിതി അംഗങ്ങൾ, മറ്റു ജില്ലാ അസോസിയേഷൻ പ്രതിനിധികൾ എന്നിവർ ആശംസകൾ അർപ്പിച്ചു സംസാരിച്ചു. മീഡിയ കൺവീനർ സതീഷ് പൂയത്ത്, സ്പോർട്സ് കൺവീനർ ജിൽ ചിന്നൻ, വനിതാവേദി സെക്രട്ടറി ഷാന ഷിജു എന്നിവർ പരിപാടികൾ ഏകോപിപ്പിച്ചു. ഇഫ്താർ വിരുന്നിൽ 300 ഇൽ അധികം പേർ പങ്കെടുത്തു. ട്രാസ്ക് ട്രഷറർ തൃതീഷ് കുമാർ നന്ദി രേഖപ്പെടുത്തി.
