കോഫി വിത്ത് എസ് ജി യുമായി സുരേഷ് ഗോപി നാട്ടികയിൽ

കോഫി വിത്ത് എസ് ജി എന്ന പരിപാടിയിലൂടെ സുരേഷ് ഗോപിയുമായി സംവദിക്കുന്നതിനായി നൂറുകണക്കിനാളുകളാണ് നാട്ടിക എസ് എൻ ഹാളിൽ ഒത്തുചേർന്നത്. NH 66 – ൽ നാട്ടികയിലെ മേൽപ്പാലത്തിനായി ആക്ഷൻ കൗൺസിൽ പ്രതിനിധികളും, തൃപ്രയാർ ക്ഷേത്രനഗരിയെ അമൃത് പദ്ധതിയിൽ ഉൾപ്പെടുത്താനായി വിവിധ വ്യക്തികളും, മത്സ്യത്തൊഴിലാളികൾ അഭിമുഖീകരിക്കുന്ന വിവിധ പ്രശ്നങ്ങളെ കുറിച്ച് കൊടിയമ്പുഴ ദേവസ്വം പ്രതിനിധികളും, പുലമ്പുഴ ഭാഗത്തെ ജനങ്ങൾക്ക് സർവ്വീസ് റോഡിനായി ആ പ്രദേശത്തെ നിരവധി വനിതകളും, പൊട്ടിപൊളിഞ്ഞ റോഡുകളുടെ ശോചനീയാവസ്ഥയെ കുറിച്ച് തൃപ്രയാറിലെ ഓട്ടോറിക്ഷ തൊഴിലാളികളും, ചെറുകിട കച്ചവടക്കാർക്ക് മുദ്രാ ലോൺ കിട്ടാത്തതുൾപ്പെടെ വ്യാപാരികൾ നേരിടുന്ന ബുദ്ധിമുട്ടുകളെ കുറിച്ച് വ്യാപാരി വ്യവസായി ഏകോപന സമിതി പ്രതിനിധികളും, കുടിവെള്ളമില്ലാത്ത പ്രശ്നങ്ങളും, പുഴയിൽ നിന്ന് ഉപ്പുവെള്ളം കയറുന്നതിന് പരിഹാരവും, പെൻഷൻ മുടങ്ങുന്നതുൾപ്പെടെ നിരവധി ജനകീയ പ്രശ്നങ്ങൾ ചർച്ചാ വിഷയമായി. എല്ലാ പ്രശ്നങ്ങളും ബന്ധപ്പെട്ട അധികാരികളുടെ ശ്രദ്ധയിൽ പെടുത്തുമെന്ന് സുരേഷ് ഗോപി ഉറപ്പ് നല്കി. ബി ജെ പി ജില്ലാ പ്രസിഡൻറ് അഡ്വ. കെ കെ അനീഷ് കുമാർ ആമുഖ പ്രസംഗം നടത്തി. ബി ജെ പി സംസ്ഥാന സെക്രട്ടറി എ നാഗേഷ്, ജില്ലാ സെക്രട്ടറിമാരായ അഡ്വ. കെ ആർ ഹരി, ജസ്റ്റിൻ ജേക്കബ്ബ്, ബി ഡി ജെ എസ് ജില്ലാ പ്രസിഡന്റ് അതുല്യഘോഷ് വെട്ടിയാട്ടിൽ, ബി ജെ പി മണ്ഡലം പ്രസിഡൻറ് ഇ പി ഹരീഷ് മാസ്റ്റർ എന്നിവരും സുരേഷ് ഗോപിക്കൊപ്പം വേദിയിലെത്തി. ഏഷ്യൻ ഗെയിംസിൽ വെള്ളി മെഡൽ നേടി രാജ്യത്തിന്റെ അഭിമാനമായ നാട്ടികക്കാരി ആൻസി സോജനെ വേദിയിൽ സുരേഷ് ഗോപി പൊന്നാടയണിയിച്ച് ആദരിച്ചു. എ കെ ചന്ദ്രശേഖരൻ, ഭഗീഷ് പൂരാടൻ, ലാൽ ഊണുങ്ങൽ, രശ്മി ഷിജോ, ഷൈൻ നെടിയിരുപ്പിൽ, പി വി സെന്തിൽ കുമാർ, സജ്ജിനി മുരളി,
കെ എസ് സുധീർ, സുരേഷ് ഇയ്യാനി, ഗ്രീഷ്മ സുഖിലേഷ്, പി കെ ബേബി, ദയാനാന്ദൻ ഏറാട്ട്, അംബിക ടീച്ചർ തുടങ്ങിയവർ നേതൃത്വം നല്കി.