ഓവര്‍സീസ് സ്‌കോളര്‍ഷിപ്പ്; അപേക്ഷ ക്ഷണിച്ചു
തിരുവനന്തപുരം: സംസ്ഥാനത്തെ ഒ.ബി.സി വിഭാഗങ്ങളില്‍ ഉള്‍പ്പെട്ട ഉന്നത പഠന നിലവാരമുള്ള വിദ്യാര്‍ഥികള്‍ക്ക് വിദേശ സര്‍വ്വകലാശാലകളില്‍ മെഡിക്കല്‍, എഞ്ചിനീയറിങ്, പ്യൂവര്‍ സയന്‍സ്, അഗ്രികള്‍ച്ചര്‍, സോഷ്യല്‍ സയന്‍സ്, നിയമം, മാനേജ്‌മെൻ്റ് എന്നീ വിഷയങ്ങളില്‍ പി.ജി, പിഎച്ച്.ഡി കോഴ്‌സുകള്‍ക്ക് പഠിക്കുന്നതിനായി പിന്നാക്ക വിഭാഗ വികസന വകുപ്പ് പരമാവധി 10 ലക്ഷം രൂപ വരെ സ്‌കോളര്‍ഷിപ്പ് അനുവദിക്കുന്നു. വാര്‍ഷിക വരുമാന പരിധി 6 ലക്ഷം രൂപ. www.egrantz.kerala.gov.in എന്ന പോര്‍ട്ടലിലൂടെ ഓണ്‍ലൈനായി അപേക്ഷ സമര്‍പ്പിക്കണം. മാനദണ്ഡങ്ങളും നിര്‍ദ്ദേശങ്ങളും അടങ്ങിയ വിജ്ഞാപനം www.egrantz.kerala.gov.in, www.bcdd.kerala.gov.in എന്നീ വെബ്‌സൈറ്റുകളില്‍ ലഭിക്കും. അവസാന തീയതി സെപ്റ്റംബര്‍ 20. ഫോണ്‍: 0491 2505663.
