കുവൈറ്റ് ഇന്ത്യൻ സിംഗേഴ്സ് വെൽഫെയർ അസോസിയേഷൻ ഓണാഘോഷവും കുടുംബ സംഗമവും നടത്തി

കുവൈറ്റ്: കുവൈറ്റ് ഇന്ത്യൻ സിംഗേഴ്സ് വെൽഫെയർ അസോസിയേഷൻ KISWA ഓണാഘോഷവും കുടുംബ സംഗമവും നടത്തി. KISWA പ്രസിഡന്റ് ജോയൽ ജോസ് അധ്യക്ഷത വഹിച്ച പരിപാടി KISWA രക്ഷാധികാരിയും പിന്നണി ഗായികയുമായ സിന്ധു ദേവി രമേശ് ഉദ്ഘാടനം ചെയ്തു. ജനറൽ സെക്രട്ടറി ബിനോയ് ജോണി സ്വാഗതവും, പ്രോഗ്രാം കൺവീനർ ശ്രീകുമാർ ശ്രീധരൻ ആശംസയും, ട്രഷറർ അനുരാജ് ശ്രീധരൻ നന്ദിയും രേഖപ്പെടുത്തി. പുതിയ KISWA- ID കാർഡ് പ്രസിഡന്റിൽ നിന്നും മീഡിയ കൺവീനർ കിഷോർ മേനോൻ ഏറ്റുവാങ്ങി.

പ്രശസ്ത പിന്നണി ഗായികയായ സിന്ധു ദേവി രമേശിനെ ആദരിച്ച ചടങ്ങിൽ കുവൈറ്റ് വിട്ട് പോകുന്ന KISWA പ്രസിഡന്റ് ജോയൽ ജോസിന് യാത്രയയപ്പ് നൽകി. റാഫി കല്ലായി, സ്റ്റീഫൻ ദേവസ്സി, യാസിർ , അശുതോഷ് യാദവ്, ഫൈസൽ ഹംസ എന്നിവർ ജോയലിനു ആശംസകൾ അർപ്പിച്ചു. മഴവിൽ മനോരമ സൂപ്പർ 4 ജൂനിയർ ടൈറ്റിൽ വിന്നറായ റൂത്ത് ടോബിയെ ചടങ്ങിൽ ആദരിച്ചു.
കർണ്ണാടക സംഗീത രാഗങ്ങളായ കല്യാണി, ഹംസധ്വനി, ഹിന്ദോളം, മോഹനം എന്നീ പേരുകളിൽ കുവൈറ്റിലെ ഗായകർ ഓരോ സംഘങ്ങളായി അവതരിപ്പിച്ച പരിപാടികൾ വ്യത്യസ്തത കൊണ്ട് പരിപാടിയുടെ മാറ്റ് കൂട്ടി. KISWA എക്സിക്യൂട്ടീവ് അംഗങ്ങളായ സിജു ശങ്കർ, സമീർ വെള്ളയിൽ , വിജു വറീദ്, ബിജു തിക്കോടി, അനീഷ് അടൂർ, സുമി സിജു, റോജോ എന്നിവർ പരിപാടികളുടെ ഏകോപനം നിർവ്വഹിച്ചു.