ഏകദിന ലോകകപ്പ്; നെതർലൻഡ്സിനെ 7 വിക്കറ്റിന് തകർത്ത് അഫ്ഗാൻ

ലഖ്നൗ: ഏകദിന ലോകകപ്പിൽ നാലാം ജയവുമായി അഫ്ഗാനിസ്താന്‍. നെതർലൻഡ്സിനെ ഏഴ് വിക്കറ്റിന് തകർത്താണ് അഫ്ഗാനിസ്താന്റെ നാലാം ജയം. ഇതോടെ ഏഴ് മത്സരങ്ങളില്‍ നിന്ന് എട്ട് പോയന്റുമായി പാകിസ്താനെ പിന്തള്ളി അഫ്ഗാനിസ്താന്‍ അഞ്ചാമതെത്തി. ടോസ് നേടി ബാറ്റിംഗ് തിരഞ്ഞെടുത്ത നെതര്‍ലന്‍ഡ്‌സ് 46.3 ഓവറില്‍ 179ന് എല്ലാവരും പുറത്തായി. മറുപടി ബാറ്റിംഗില്‍ അഫ്ഗാന്‍ 31.3 ഓവറില്‍ മൂന്ന് വിക്കറ്റ് മാത്രം നഷ്ടത്തില്‍ ലക്ഷ്യം മറികടന്നു. 64 പന്തിൽ 56 റൺസെടുത്ത ഹഷ്മതുള്ള ഷാഹിദി, 54 പന്തിൽ 52 റൺസെടുത്ത റഹ്മത്ത് ഷാ എന്നിവരാണ് അഫ്ഗാന്റെ വിജയ ശിൽപികൾ.