ഓസ്‌ട്രേലിയക്ക് ആശ്വാസജയം; ശ്രീലങ്കക്കെതിരെ 5 വിക്കറ്റിന്റെ വിജയം
ലഖ്‌നൗ: ഏകദിന ലോകകപ്പിൽ ആശ്വാസജയവുമായി ഓസ്ട്രേലിയ. ശ്രീലങ്കയ്‌ക്കെതിരേ അഞ്ചു വിക്കറ്റിനായിരുന്നു ഓസീസിന്റെ ജയം. ആദ്യം ബാറ്റ് ചെയ്ത ലങ്ക ഉയര്‍ത്തിയ 210 റണ്‍സ് വിജയലക്ഷ്യം 35.2 ഓവറില്‍ അഞ്ച് വിക്കറ്റ് നഷ്ടത്തില്‍ ഓസീസ് മറികടന്നു. അര്‍ധ സെഞ്ചുറി നേടിയ ജോഷ് ഇംഗ്ലിസും മിച്ചല്‍ മാര്‍ഷുമാണ് ഓസീസ് ജയം അനായാസമാക്കിയത്. മൂന്നാം തോല്‍വിയോടെ ലങ്കയുടെ സെമി സാധ്യതകൾക്ക് മങ്ങലേറ്റു.
