നാട്ടിക എസ് എൻ കോളേജിന് ഡി സോൺ കബഡി കിരീടം

നാട്ടിക: കാലിക്കറ്റ് യൂണിവേഴ്സിറ്റി ഡി സോൺ കബഡി മത്സരത്തിൽ നാട്ടിക എസ് എൻ കോളേജ് വിജയം നേടി. എസ് എൻ കോളേജിൽ നടന്ന ഫൈനൽ മത്സരത്തിൽ, ഐ.സി.എ കോളേജിനെ 42-15 എന്ന സ്കോറിന് ആധികാരികമായി തോൽപ്പിച്ചാണ് എസ്.എൻ. കോളേജ് കിരീടം നേടിയത്. ലൂസേഴ്സ് ഫൈനലിൽ കേരളവർമ കോളേജ് അച്യുതമേനോൻ ഗവണ്മെന്റ് കോളേജിനെ പരാജയപ്പെടുത്തി മൂന്നാം സ്ഥാനം നേടി.

വിജയികൾക്ക് എസ് എൻ കോളേജ് പ്രിൻസിപ്പൽ ഡോ. പി. എസ്. ജയ ട്രോഫി സമ്മാനിച്ചു. കാലിക്കറ്റ് യൂണിവേഴ്സിറ്റി ഡി സോൺ കൺവീനർ ഡോ. ബിന്ദു, ഒബ്സർവർ ഡോ. ഹരി ദയാൽ, കായിക വിഭാഗം മേധാവി ശ്രീജി എൻ എസ് എന്നിവർ ചടങ്ങിൽ സന്നിഹിതരായിരുന്നു.