തൃശൂർ ജില്ല റെസ്‌ലിംഗ് ചാമ്പ്യൻഷിപ്പിൽ 400-ൽ അധികം മത്സരാർത്ഥികൾ
തൃപ്രയാർ: തൃശ്ശൂർ ജില്ല റെസ്‌ലിംഗ് അസോസിയേഷനും, എസ് എൻ ട്രസ്റ്റ് എച്ച് എസ് എസ് നാട്ടിക സ്കൂളും സംയുക്തമായി സംഘടിപ്പിച്ച തൃശ്ശൂർ ജില്ല റസ്ലിംഗ് ചാമ്പ്യൻഷിപ്പ് 2024 തൃപ്രയാർ ടി എസ് ജി എ സ്റ്റേഡിയത്തിൽ നടന്നു. തൃശ്ശൂർ ജില്ലയിലെ 15 -ഓളം ക്ലബ്ബുകളിൽ നിന്നായി 400-ൽ അധികം മത്സരാർത്ഥികൾ പങ്കെടുത്തു. തൃശ്ശൂർ ജില്ലാ റസ്ലിങ് അസോസിയേഷൻ പ്രസിഡന്റ് സുജിന്ത് പി എൻ അധ്യക്ഷത വഹിച്ചു ചടങ്ങിൽ നാട്ടിക നിയോജക മണ്ഡലം എംഎൽഎ സി സി മുകുന്ദൻ ഉദ്ഘാടനം നിർവഹിച്ചു. സെക്രട്ടറി ബബിൽ നാഥ് സ്വാഗതം പറഞ്ഞു. തൃശ്ശൂർ ജില്ല സ്പോർട്സ് കൗൺസിൽ പ്രസിഡന്റ് കെ ആർ സാംബശിവൻ, തൃശ്ശൂർ ജില്ല റസലിംഗ് അസോസിയേഷൻ രക്ഷാധികാരി കെ രാധാകൃഷ്ണൻ, ധനഞ്ജയൻ മച്ചിങ്ങൽ എന്നിവർ മുഖ്യാതിഥികളായി പങ്കെടുത്തു.
എസ് എൻ ട്രസ്റ്റ് എച്ച്എസ്എസ് നാട്ടിക ലോക്കൽ മാനേജർ പി കെ പ്രസന്നൻ, നാട്ടിക ഗ്രാമപഞ്ചായത്ത് വാർഡ് മെമ്പർ ഗ്രീഷ്മ സുഗിലെഷ്, വികസന സമിതി ചെയർമാൻ സി എസ് മണികണ്ഠൻ, തൃശ്ശൂർ ജില്ലാ റസലിംഗ് അസോസിയേഷൻ വൈസ് പ്രസിഡന്റ് സുരേഷ് ഒറ്റാലി, അഡ്വക്കേറ്റ് സിഡി ജോഫി, ടി എസ് ജി എ തൃപ്രയാർ സ്റ്റേഡിയം ജനറൽ സെക്രട്ടറി സി ജി അജിത് കുമാർ തുടങ്ങിയവർ ആശംസകൾ അറിയിച്ചു. എസ് എൻ ട്രസ്റ്റ് എച്ച്എസ്എസ് നാട്ടിക സ്കൂൾ പ്രിൻസിപ്പൽ ജയാബീനി ജി എസ് ബി നന്ദി രേഖപ്പെടുത്തി.
