കുതിപ്പ് തുടർന്ന് ദക്ഷിണാഫ്രിക്ക; ന്യൂസീലന്‍ഡിനെതിരെ 190 റൺസിന്റെ കൂറ്റൻ ജയം
പുണെ: ഏകദിന ലോകകപ്പിൽ ന്യൂസീലന്‍ഡിനെതിരെ ദക്ഷിണാഫ്രിക്കയ്ക്ക് കൂറ്റൻ ജയം. 190 റൺസിനാണ് ദക്ഷിണാഫ്രിക്കയുടെ വിജയം. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ദക്ഷിണാഫ്രിക്ക നാല് വിക്കറ്റ് നഷ്ടത്തില്‍ 357 റൺസെടുത്തു. മറുപടി ബാറ്റിങ്ങിൽ ന്യൂസീലന്‍ഡ് 167 റൺസിന് എല്ലാവരും പുറത്തായി. 60 റൺസ് നേടിയ ഗ്ലെയിൻ ഫിലിപ്‌സാണ് കിവികളുടെ ടോപ് സ്കോറർ.
ദക്ഷിണാഫ്രിക്കക്ക് വേണ്ടി 116 പന്തിൽ നിന്ന് 114 റൺസെടുത്ത ഓപ്പണര്‍ ക്വിന്റന്‍ ഡി കോക്കിന്റെയും, 118 പന്തിൽ നിന്ന് 133 റൺസെടുത്ത വാന്‍ഡര്‍ ദസ്സന്റെയും സെഞ്ചുറികളുടെ ബലത്തിലാണ് കൂറ്റൻ സ്കോറിലേക്കെത്തിയത്. കേശവ് മഹാരാജ് നാലും മാര്‍കോ ജാന്‍സെന്‍ മൂന്നും വിക്കറ്റുകളും വീഴ്ത്തി.
