ചാമ്പ്യന്മാർക്ക് വീണ്ടും തോൽവി; ഇംഗ്ലണ്ടിനെ എട്ട് വിക്കറ്റിന് തകർത്ത്‌ ശ്രീലങ്ക
ബെംഗളൂരു: ഏകദിന ലോകകപ്പിൽ നിലവിലെ ചാമ്പ്യൻമാരായ ഇംഗ്ലണ്ടിന് വീണ്ടും തോൽവി. എട്ട് വിക്കറ്റിനാണ് ശ്രീലങ്ക ഇംഗ്ലണ്ടിനെ തകര്‍ത്തുവിട്ടത്. ടോസ് നേടി ബാറ്റിംഗ് തിരഞ്ഞെടുത്ത ഇംഗ്ലണ്ട് 33.2 ഓവറില്‍ 156 റൺസിന് എല്ലാവരും പുറത്തായി. 157 റണ്‍സ് വിജയലക്ഷ്യത്തിലേക്ക് ബാറ്റെടുത്ത ശ്രീലങ്ക 25.4 ഓവറില്‍ രണ്ട് വിക്കറ്റ് മാത്രം നഷ്ടപ്പെടുത്തി ലക്ഷ്യം മറികടന്നു. അഞ്ച് മത്സരങ്ങള്‍ പൂര്‍ത്തിയാക്കിയ ഇംഗ്ലണ്ടിന് ഇതുവരെ ഒരു മത്സരത്തില്‍ മാത്രമാണ് ജയിക്കാനായത്. മൂന്ന് വിക്കറ്റ് വീഴ്ത്തിയ ലങ്കയുടെ ലഹിരു കുമാരയാണ് കളിയിലെ താരം.
