ആദ്യ ജയവുമായി ശ്രീലങ്ക; നെതർലൻഡ്‌സിനെ 5 വിക്കറ്റിന് പരാജയപ്പെടുത്തി
ലഖ്‌നൗ: ഏകദിന ലോകകപ്പിലെ ആദ്യ വിജയം സ്വന്തമാക്കി ശ്രീലങ്ക. നെതര്‍ലന്‍ഡ്‌സിനെതിരെ അഞ്ചു വിക്കറ്റിന്റെ വിജയമാണ് ശ്രീലങ്ക നേടിയത്. നെതര്‍ലന്‍ഡ്‌സ് ഉയര്‍ത്തിയ 263 റണ്‍സ് വിജയലക്ഷ്യം ശ്രീലങ്ക 48.2 ഓവറില്‍ അഞ്ച് വിക്കറ്റ് നഷ്ടത്തില്‍ മറികടന്നു. 91 റണ്‍സെടുത്ത സദീര വിക്രമയാണ് ശ്രീലങ്കയുടെ ടോപ് സ്‌കോറർ. ടോസ് നേടി ബാറ്റിങ് തിരഞ്ഞെടുത്ത ഡച്ച് ടീം 49.4 ഓവറില്‍ 262 റണ്‍സിന് ഓള്‍ ഔട്ടാകുകയായിരുന്നു.
