ചാമ്പ്യന്മാർ പുറത്തേക്ക്; ഇംഗ്ലണ്ടിനെ 33 റൺസിന് തകർത്ത് ഓസ്ട്രേലിയ
അഹമ്മദാബാദ്: ഏകദിന ലോകകപ്പിൽ നിലവിലെ ചാമ്പ്യന്‍മാരായ ഇംഗ്ലണ്ട് പുറത്ത്. ഓസ്ട്രേലിയയുമായുള്ള മത്സരത്തിൽ 33 റണ്‍സിനാണ് ഇംഗ്ലണ്ടിന്റെ തോൽവി. ഓസീസ് ഉയര്‍ത്തിയ 287 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് 48.1 ഓവറില്‍ 253 റണ്‍സിന് ഓള്‍ഔട്ടാകുകയായിരുന്നു. 10 ഓവറില്‍ 21 റണ്‍സ് വഴങ്ങി മൂന്ന് വിക്കറ്റെടുത്ത ആദം സാംപയാണ് കളിയിലെ താരം. ഇതോടെ ഏഴ് മത്സരങ്ങളില്‍ നിന്ന് 10 പോയന്റുമായി ഓസ്ട്രേലിയ സെമി സാധ്യത സജീവമാക്കി.
