ചാമ്പ്യൻസിന് വീണ്ടും നാണക്കേടിന്റെ ദിനം; ഇംഗ്ലണ്ടിനെതിരെ 229 റൺസിന്റെ വമ്പൻ വിജയവുമായി ദക്ഷിണാഫ്രിക്ക
മുംബൈ: ഏകദിന ലോകകപ്പില്‍ നിലവിലെ ചാമ്പ്യന്മാരായ ഇംഗ്ലണ്ടിനെതിരെ വമ്പൻ വിജയവുമായി ദക്ഷിണാഫ്രിക്ക. 229 റണ്‍സിനാണ് ഇംഗ്ലണ്ടിനെ ദക്ഷിണാഫ്രിക്ക തകർത്തത്. ആദ്യം ബാറ്റുചെയ്ത ദക്ഷിണാഫ്രിക്ക 50 ഓവറില്‍ ഏഴു വിക്കറ്റ് നഷ്ടത്തില്‍ 399 റണ്‍സെടുത്തു. 400 റണ്‍സ് വിജയലക്ഷ്യത്തിലേക്ക് ബാറ്റേന്തിയ ഇംഗ്ലണ്ട് 22 ഓവറില്‍ വെറും 170 റണ്‍സിന് ഓള്‍ ഔട്ടായി. നാല് മത്സരങ്ങളില്‍ ദക്ഷിണാഫ്രിക്ക മൂന്ന് വിജയങ്ങള്‍ നേടിയപ്പോള്‍ ഇംഗ്ലണ്ടിന് ഒരു വിജയം മാത്രമാണുള്ളത്.
