40 പന്തിൽ നൂറടിച്ച് മാക്‌സ്‌വെൽ; നെതർലൻഡ്‌സിനെതിരെ 309 റൺസിന്റെ കൂറ്റൻ വിജയവുമായി ഓസ്ട്രേലിയ
ഡല്‍ഹി: ഏകദിന ലോകകപ്പിൽ നെതര്‍ലന്‍ഡ്‌സിനെതിരേ 309 റണ്‍സിന്റെ കൂറ്റൻ വിജയവുമായി ഓസ്ട്രേലിയ. 400 റണ്‍സ് വിജയലക്ഷ്യം പിന്തുടര്‍ന്ന നെതര്‍ലന്‍ഡ്‌സ് 21 ഓവറില്‍ 90 റൺസിന് എല്ലാവരും പുറത്തായി. ടോസ് നേടി ബാറ്റിംഗ് തിരഞ്ഞെടുത്ത ഓസീസ്‌ എട്ടു വിക്കറ്റ് നഷ്ടത്തില്‍ 399 റണ്‍സടിച്ചു. 93 പന്തിൽ 104 റൺസ് നേടിയ ഡേവിഡ് വാര്‍ണറും, 44 പന്തിൽ 106 റൺസെടുത്ത ഗ്ലെന്‍ മാക്‌സ്‌വെല്ലുമാണ് ഓസീസിനെ മികച്ച സ്‌കോറിലേക്ക് നയിച്ചത്. 71 റൺസെടുത്ത സ്റ്റീവന്‍ സ്മിത്ത്, 62 റൺസെടുത്ത മര്‍നസ് ലബുഷെയ്ന്‍ എന്നിവർ മികച്ച പിന്തുണ നൽകി. ആഡം സാംപ 4 വിക്കറ്റെടുത്തു.
