ട്വന്റി 20; ഓസ്‌ട്രേലിയക്കെതിരെ തുടർച്ചയായ രണ്ടാം ജയവുമായി ടീം ഇന്ത്യ
തിരുവനന്തപുരം: ട്വന്റി 20 പരമ്പരയിലെ രണ്ടാം മത്സരത്തിലും ഓസ്‌ട്രേലിയക്കെതിരേ മിന്നും വിജയവുമായി ടീം ഇന്ത്യ. തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ നടന്ന മത്സരത്തിൽ 44 റണ്‍സിനായിരുന്നു ഇന്ത്യന്‍ ജയം. ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില്‍ 4 വിക്കറ്റ് നഷ്ടത്തില്‍ 235 റണ്‍സാണ് നേടിയത്. ജെയ്‌സ്വാള്‍, ഇഷാന്‍ കിഷന്‍, ഋതുരാജ് ഗെയ്ക്വാദ് എന്നിവർ അർധ സെഞ്ചുറി നേടി. അവസാന ഓവറുകളിൽ റിങ്കു സിംഗിന്റെ വെടിക്കെട്ട് ബാറ്റിങ്ങുമാണ് ഇന്ത്യക്ക് കൂറ്റൻ സ്കോർ സമ്മാനിച്ചത്. മറുപടി ബാറ്റിംഗില്‍ ഓസീസിന് 9 വിക്കറ്റ് നഷ്ടത്തില്‍ 191 റണ്‍സെടുക്കാനേ സാധിച്ചുള്ളു. മാര്‍കസ് സ്‌റ്റോയിനിസ്, ടിം ഡേവിഡ് കൂട്ടുകെട്ട് നേടിയ 81 റണ്‍സാണ് ഓസീസിനെ മാന്യമായ സ്കോറിലേക്ക് എത്തിച്ചത്. ഇന്ത്യക്ക് വേണ്ടി രവി ബിഷ്‌ണോയിയും പ്രസിദ്ധ് കൃഷ്ണയും മൂന്ന് വിക്കറ്റ് വീതം വീഴ്ത്തി.
