കുവൈറ്റ് ലുലു ഹൈപ്പർമാർക്കറ്റിൽ ‘മാംഗോ മാനിയ’
കുവൈറ്റ്: ലുലു ഹൈപ്പർമാർക്കറ്റിൽ ‘മാംഗോ മാനിയ’ ഫസ്റ്റിവലിന് തുടക്കമായി. ലുലു ഗ്രൂപ്പ് ഇന്റർനാഷണൽ ചെയർമാനും മാനേജിംഗ് ഡയറക്ടറുമായ എം.എ.യൂസഫലിയുടെ സാന്നിധ്യത്തിൽ ഇന്ത്യൻ സ്ഥാനപതി ഡോ. ആദർശ് സ്വൈക ‘മാംഗോ മാനിയ’ ഉദ്ഘാടനം ചെയ്തു.
ഇന്ത്യൻ എംബസ്സി കൗൺസിലർ സഞ്ജയ് കെ. മുളുക, ലുലു കുവൈറ്റ് ഡയറക്ടർ മുഹമ്മദ് ഹാരിസ് ഉൾപ്പെടെയുള്ളവർ പങ്കെടുത്ത ചടങ്ങിൽ ലുലു ഉന്നത മാനേജ്‌മെന്റ് പ്രതിനിധികളും സാമൂഹിക രംഗത്തെ നിരവധി അതിഥികളും പങ്കെടുത്തു.
7 രാജ്യങ്ങളിൽ നിന്നുള്ള അമ്പതിൽ അധികം മാമ്പഴങ്ങളാണ് ഫെസ്റ്റിവലിൽ ഒരുക്കിയിരിക്കുന്നത്. മാമ്പഴ ഹൽവ, മാമ്പഴ പായസം തുടങ്ങി അനവധി മാമ്പഴ ഉപോല്പന്നങ്ങളും ഫെസ്റ്റിവലിന്റെ ഭാഗമായി ഒരുക്കിയിട്ടുണ്ട്.
കുട്ടികൾക്കായി മാമ്പഴ കേക്ക് അലങ്കാര മത്സരവും സംഘടിപ്പിച്ചു.
ഒരാഴ്ച നീണ്ടുനിൽക്കുന്ന ‘മാംഗോ മാനിയ’ ഫസ്റ്റിവലിൽ മികച്ച ഓഫറുകൾ ലഭ്യമാണെന്ന് മാനേജ്‌മെന്റ് അറിയിച്ചു.
