എടമുട്ടത്ത് സൈബർ സാക്ഷരത സുരക്ഷാ ക്ലാസ്
എടമുട്ടം: എടമുട്ടം റസിഡൻസ് അസോസിയേഷനും, സൈബർ സെൽ കേരള പോലീസും സംയുക്തമായി സൈബർ-സാക്ഷരത -സുരക്ഷാ ക്ലാസ് സംഘടിപ്പിച്ചു. എടമുട്ടം കമ്മാറ ഓഡിറ്റോറിയത്തിൽ സൈബർ സെൽ റിസോഴ്സ് പേഴ്സൺ നസ്രു എച്ച് ബി ക്ലാസുകൾ നയിച്ചു. എടമുട്ടം റസിഡൻസ് അസോസിയേഷൻ പ്രസിഡണ്ട് സുചിന്ദ് പുല്ലാട്ട് അധ്യക്ഷത വഹിച്ചു. എക്സിക്യൂട്ടീവ് അംഗം ക്ലമെന്റ് കെ ജെ സ്വാഗതം പറഞ്ഞ ചടങ്ങിൽ കഴിമ്പ്രം ഹയർസെക്കൻഡറി സ്കൂൾ പിടിഎ പ്രസിഡണ്ട് രമേശ് പള്ളത്ത് നന്ദി രേഖപ്പെടുത്തി. സെക്രട്ടറി ഡോ.ഷാജി ദാമോദരൻ ആശംസകൾ അർപ്പിച്ചു. എക്സിക്യൂട്ടീവ് അംഗം ബെന്നി ആലപ്പാട്ട് മെമന്റോ കൈമാറി.
