അങ്കമാലിക്കാർ ലണ്ടനിൽ ‘നമ്മൾ നാട്ടുകാർ’

അങ്കമാലിക്കാർ ലണ്ടനിൽ ‘നമ്മൾ നാട്ടുകാർ’

ലണ്ടൻ : അങ്കമാലിയുടെ പരിസര പ്രദേശങ്ങൾ ആയ പുളിയനം ,എളവൂർ ഭാഗത്തുനിന്നും യുകെയുടെ നാനാഭാഗങ്ങളിൽ കുടിയേറിയിട്ടുള്ള മലയാളി കൂട്ടായ്മ ‘നമ്മൾ നാട്ടുകാർ’ കുടുംബ സംഗമവും പൊതുയോഗവും സംഘടിപ്പിച്ചു. 2020-ലെ കൊവിഡ് കാലഘട്ടത്തിൽ വെയിൽസിലെ താമസക്കാരനായ ബിജു ക്രിയേറ്റ് ചെയ്ത ഒരു വാട്സ്ആപ്പ് ഗ്രൂപ്പാണ് തുടർന്ന് മികച്ച മലയാളി കൂട്ടായ്മയായി വികസിച്ചത്. 2022-ൽ ബർമിഹാം, 2023 ചെൽട്ടൻഹാം എന്നിവിടങ്ങളിൽ സംഗമം നടന്നു. 2024 ലെ യോഗം ഹൈവേ കോമ്പിൽ ആണ് നടന്നത്. നേതൃത്വം എന്നതിലുപരി എല്ലാവരുടെയും തുല്യ പങ്കാളിത്തത്തോടെ ആണ് സംഗമങ്ങൾ സംഘടിപ്പിക്കുന്നത്. കൂടുതൽ വിപുലമായി വരും വർഷങ്ങളിൽ പരിപാടികൾ സംഘടിപ്പിക്കാനുള്ള തെയ്യാറെടുപ്പിലാണ് ഈ കൂട്ടായ്മ.