കുവൈറ്റ് ദുരന്തത്തില്‍ മരണമടഞ്ഞവര്‍ക്ക് പ്രത്യേക ദിവ്യബലിയും പ്രാര്‍ത്ഥനയുമായി മാഞ്ചസ്റ്റർ സിറോ മലബാര്‍ സമൂഹം
മാഞ്ചസ്റ്റര്‍: കുവൈറ്റിലെ മംഗഫിൽ സ്വകാര്യ കമ്പനി ജീവനക്കാരുടെ താമസസ്ഥലത്തുണ്ടായ തീപിടുത്തത്തില്‍ ജീവന്‍ നഷ്ടമായ സഹോദരങ്ങള്‍ക്കായി പ്രത്യേക ദിവ്യബലിയും പ്രാര്‍ത്ഥനയും നടത്തി മാഞ്ചസ്റ്ററിലെ സിറോ മലബാര്‍ സമൂഹം. വിഥിന്‍ഷോ സെന്റ് ആന്റണീസ് ദേവാലയത്തില്‍ നടന്ന പ്രത്യേക പ്രാത്ഥനകള്‍ക്കും ദിവ്യബലിക്കും മിഷന്‍ ഡയറക്ടര്‍ ഫാ.ജോസ് കുന്നുംപുറം നേതൃത്വം നല്‍കി. ദിവ്യബലിയെ തുടര്‍ന്ന് അനുസ്മരണവും ഒപ്പീസും നടന്നു.
