വാഴപ്പുള്ളി ശ്രീ രാജരാജേശ്വരി ക്ഷേത്രത്തിൽ ഓണപ്പൂക്കൾക്കായുള്ള ഒരുക്കങ്ങൾ ആരംഭിച്ചു

കഴിമ്പ്രം: കഴിമ്പ്രം വാഴപ്പുള്ളി ശ്രീ രാജരാജേശ്വരി ക്ഷേത്ര ഭരണസമിതിയുടെ നേതൃത്വത്തിൽ ജാതി മത ഭേദമന്യേ ഓണപ്പൂക്കളം ഒരുക്കുന്നതിനുള്ള പൂക്കൾ നൽകുന്നതിന് വേണ്ടി 200ൽ ഏറെ ചെണ്ട് മല്ലി തൈകൾ നട്ടു. കുഴിവെട്ടി വള മിശ്രിതങ്ങൾ ചേർത്ത കുഴികളിൽ വലപ്പാട് കൃഷിഭവൻ ഓഫീസർ ലക്ഷ്മി മോഹൻ തൈകൾ നട്ടുകൊണ്ട് ഉദ്ഘാടനം ചെയ്തു. ക്ഷേത്രം ഭാരവാഹികളായ വി യു ഉണ്ണികൃഷ്ണൻ, വി ആർ രാധാകൃഷ്ണൻ, വി കെ ശശിധരൻ, വി ബി ബൈജു, വി സി ഷാജി, വി ജെ ഷാലി എന്നിവർ പരിപാടികൾക്ക് നേതൃത്വം നൽകി .പൊതുജനങ്ങൾക്കായി വാഴപ്പുള്ളി ക്ഷേത്രം ചെയ്യുന്ന ഇതുപോലുള്ള പ്രവർത്തികൾ മറ്റു ക്ഷേത്രങ്ങൾക്ക് മാതൃകയാകണമെന്ന് കൃഷി ഓഫീസർ ഉദ്ഘാടന പ്രസംഗത്തിൽ സൂചിപ്പിച്ചു.