നാട്ടിക എൻ ഇ എസിൽ വായനാവാരാഘോഷ സമാപന ചടങ്ങ് നടത്തി
നാട്ടിക: നാട്ടിക എഡ്യൂക്കേഷണൽ സൊസൈറ്റി ആർട്സ് & സയൻസ് കോളേജിൽ വിദ്യാർത്ഥികളെ പങ്കെടുപ്പിച്ച് കൊണ്ട് വിവിധ മത്സരങ്ങളോടെ ആചരിച്ച വായനാവാരത്തിന്റെ സമാപനം ബാപ്പു വലപ്പാട് ഉദ്ഘാടനം ചെയ്തു.
എൻ ഇ എസ് കോളേജ് പ്രിൻസിപ്പാൾ എൻ സി അനീജ ചടങ്ങിൽ അദ്ധ്യക്ഷത വഹിച്ചു. എൻ ഇ എസ് പ്രസിഡണ്ട് ശിവൻ കണ്ണോളി വിദ്യാർത്ഥികളോട് വായനയുടെ പ്രാധാന്യത്തെ കുറിച്ച് സംസാരിച്ചു. തുടർന്ന് നടന്ന ചടങ്ങിൽ ഉദ്ഘാടകൻ ബാപ്പു വലപ്പാട് എൻ ഇ എസ് ലൈബ്രറിയിലേക്ക് പുസ്തകങ്ങൾ കൈമാറി. ലൈബ്രേറിയൻ രമ്യ കെ ആർ പുസ്തകങ്ങൾ ഏറ്റുവാങ്ങി. വായനാവാരത്തോട് അനുബന്ധിച്ചു നടന്ന വിവിധ മത്സരങ്ങളിലെ വിജയികൾക്ക് പ്രസിഡണ്ട് ശിവൻ കണ്ണോളിയും ബാപ്പു വലപ്പാടും ചേർന്ന് സമ്മാനദാനം നിർവ്വഹിച്ചു. അധ്യാപകരായ എം വി ലതിമോൾ, വി ശശിധരൻ, എൻ ആർ സ്മിത എന്നിവർ ചടങ്ങിൽ പങ്കെടുത്തു. അധ്യാപകൻ കണ്ണൻ രവീന്ദ്രൻ നന്ദി പറഞ്ഞു.
