ഗവ. ചില്‍ഡ്രന്‍സ് ഹോമില്‍ പി എന്‍ പണിക്കര്‍ അനുസ്മരണം നടത്തി
തൃശൂര്‍: തൃശൂര്‍ ചൈല്‍ഡ് വെല്‍ഫെയര്‍ കമ്മിറ്റിയും ജില്ലാ വനിതാ ശിശു വികസന ഓഫീസും സംയുക്തമായി ഗവ. ചില്‍ഡ്രന്‍സ് ഹോമില്‍ പി. എന്‍ പണിക്കര്‍ അനുസ്മരണവും എസ്.എസ്.എല്‍.സി, പ്ലസ് ടു പരീക്ഷകളില്‍ വിജയിച്ച ശിശു സംരക്ഷണ സ്ഥാപനത്തിലെ വിദ്യാര്‍ഥികളെ ആദരിക്കുകയും ചെയ്തു. കൂടുതല്‍ മാര്‍ക്ക് നേടിയ തൃശൂര്‍ ചില്‍ഡ്രന്‍സ് ഹോമിലെയും, മോഡല്‍ ഹോം ഫോര്‍ ഗേള്‍സിലെയും വിദ്യാര്‍ഥികള്‍ക്ക് ക്യാഷ് അവാര്‍ഡും ട്രോഫിയും സമ്മാനിച്ചു. ഉദ്ഘാടനം സംസ്ഥാന എസ്.സി- എസ്.ടി കമ്മീഷന്‍ അംഗം ടി കെ വാസു നിര്‍വഹിച്ചു. ജില്ലാ വനിതാ – ശിശു വികസന ഓഫീസര്‍ പി. മീര അധ്യക്ഷയായി. ജില്ലാ ചൈല്‍ഡ് വെല്‍ഫെയര്‍ കമ്മിറ്റി ചെയര്‍പേഴ്‌സണ്‍ അഡ്വ. കെ.വി നിമ്മി മുഖ്യാഥിതിയായി. കേരള സാഹിത്യ അക്കാദമി കൗണ്‍സില്‍ അംഗം ഡോ. വിജയരാജമല്ലിക മുഖ്യപ്രഭാഷണം നടത്തി. തൃശൂര്‍ ചൈല്‍ഡ് വെല്‍ഫെയര്‍ കമ്മിറ്റി മെമ്പര്‍മാരായ അഡ്വ. സി. കെ. വിജയന്‍, അഡ്വ. കെ.വി ബാബു, അഡ്വ. എ.എം സിമ്മി, വി.ഡി സുജിത, ജില്ലാ ശിശു സംരക്ഷണ ഓഫീസര്‍ സി.ജി ശരണ്യഗവ. ചില്‍ഡ്രന്‍സ് ഹോം സൂപ്രണ്ട് എ. അജികുമാര്‍, മോഡല്‍ ഹോം ഫോര്‍ ഗേള്‍സ് അഡ്മിനിസ്‌ട്രേറ്റര്‍ ജെനി ജേക്കബ് തുടങ്ങിയവര്‍ സംസാരിച്ചു. തുടര്‍ന്ന് ബാലസംഘം ചേര്‍പ്പ് ഏരിയ പാട്ടുകൂട്ടം നാടന്‍ അവതരിപ്പിച്ചു.
