സബർമതി ചാരിറ്റബിൾ ട്രസ്റ്റ് ഉമ്മൻചാണ്ടി സ്മൃതി സംഘടിപ്പിച്ചു

തൃശൂർ : സബർമതി ചാരിറ്റബിൾ ട്രസ്റ്റിന്റെ നേതൃത്വത്തിൽ ഉമ്മൻചാണ്ടി സ്മൃതിയോടനുബന്ധിച്ച് തൃശ്ശൂർ ജില്ലാ സഹകരണ ആശുപത്രിയിൽ 50 രോഗികൾക്ക് സൗജന്യ ഡയാലിസിസിനുളള ധന സഹായം കൈമാറി. തൃശ്ശൂർ ജില്ലാ കോൺഗ്രസ് കമ്മിറ്റി പ്രസിഡണ്ട് വി. കെ. ശ്രീകണ്ഠൻ ഉദ്ഘാടനം നിർവഹിച്ചു.

മുൻ. ഡി. സി. സി. പ്രസിഡന്റ് ജോസ് വള്ളൂർ അദ്ധ്യക്ഷത വഹിച്ച യോഗത്തിൽ ടി. വി. ചന്ദ്രമോഹൻ, മുൻ എം. എൽ. എ. എം. പി. വിൻസെന്റ്, മുൻ. എം. എൽ. എ. സുനിൽ അന്തിക്കാട്, ടി. കെ. പൊറിഞ്ചു, അഡ്വ. രജിത്ത് ആറ്റത്തറ, ടി. വി. ചന്ദ്രൻ, എൻ. പി. രാമചന്ദ്രൻ, വിൻസൻ പള്ളിപ്പുറം, ട്രസ്റ്റ ഭാരവാഹികളായ ജോൺസൺ മുളങ്ങൻ, രാജീവ് മങ്ങാട്ട്, ശോഭന പുഷ്പാംഗതൻ, റെനി ജോയ് എന്നിവർ അനുസ്മരണ പ്രഭാഷണം നടത്തി. ട്രസ്റ്റ് ചെയർമാൻ ജോസ് പറമ്പൻ സ്വാഗതവും, വൈസ് ചെയർമാൻ ആയിരുന്ന ശശി പോട്ടയിൽ
നന്ദിയും രേഖപ്പെടുത്തി.