രാഘവ്ജി മെമ്മോറിയൽ ട്രസ്റ്റ് പഠനോപകരണങ്ങൾ വിതരണം ചെയ്തു

ഷൊര്‍ണ്ണൂര്‍ : രാഘവ്ജി മെമ്മോറിയൽ ട്രസ്റ്റിന്റെ നേതൃത്ത്വത്തിൽ ഷൊർണ്ണൂർ പരുത്തിപ്ര ടി എം എസ് എൽ പി സ്ക്കൂളിലെ വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു . ട്രസ്റ്റ് സെക്രട്ടറി കെ കൃഷ്ണകുമാർ അദ്ധ്യക്ഷത വഹിച്ചയോഗം ട്രസ്റ്റ് ചെയർമാൻ എൻ പി രാമചന്ദ്രൻ ഉദ്ഘാടനം ചെയ്തു. വൈസ് ചെയർമാൻ സുബ്രമണ്യൻ നമ്പൂതിരിപ്പാട്, എൻ പി സരള, പി എം മുരളീധരൻ, പി അബൂബക്കർ, പി അലി തുടങ്ങിയവർ സംസാരിച്ചു. സ്ക്കൂൾ പ്രധാന അധ്യാപിക രാധാമണി ടീച്ചർ സ്വാഗതം പറഞ്ഞ യോഗത്തിൽ ഡയറക്ടർ ആനന്ദൻ കാരക്കാട് നന്ദി രേഖപ്പെടുത്തി.