‘സമാദരണം 2024’; സ്‌കൂളുകളെ ആദരിച്ചു
തൃശൂര്‍ : തൃശൂര്‍ വിദ്യാഭ്യാസ ജില്ലയില്‍ എസ്.എസ്.എല്‍.സി പരീക്ഷയില്‍ 100 ശതമാനം വിജയം ലഭിച്ച സ്‌കൂളുകളെ ആദരിച്ചു. ചേലക്കോട്ടുകര എം.ടി.എച്ച്.എസില്‍ നടന്ന ‘സമാദരണം 2024’ ല്‍ റവന്യൂ മന്ത്രി കെ. രാജന്‍ ഉപഹാര സമര്‍പ്പണം ഉദ്ഘാടനം നിര്‍വഹിച്ചു. തൃശൂര്‍ ജില്ലാ വിദ്യാഭ്യാസ ഓഫീസര്‍ ഡോ. എ അന്‍സാര്‍ അധ്യക്ഷത വഹിച്ചു.
എച്ച്.എം ഫോറം കണ്‍വീനര്‍ സ്‌റ്റെയ്‌നി ചാക്കോ, കുട്ടനാട് ഡി.ഇ.ഒ പി.എം ബാലകൃഷ്ണന്‍, തൃശൂര്‍ വെസ്റ്റ് പി.ജെ ബിജു, എം.ടി.എച്ച്.എസ് മാനേജര്‍ സിസ്റ്റര്‍ ഒ.യു ജിന്‍സി, ജോഫി സി മഞ്ഞളി തുടങ്ങിയവര്‍ സംസാരിച്ചു.
