മാധ്യമപ്രവര്‍ത്തകനും എഴുത്തുകാരനുമായ അനു വാര്യര്‍ അന്തരിച്ചു
മാധ്യമപ്രവര്‍ത്തകനും എഴുത്തുകാരനുമായ അനു വാര്യര്‍ (അനു സിനുബാല്‍) അന്തരിച്ചു. 49 വയസായിരുന്നു. അര്‍ബുദ ബാധിതനായി ചികിത്സയില്‍ ഇരിക്കെയാണ് അന്ത്യം. യു എ ഇ ആസ്ഥാനമായ ഖലീജ് ടൈംസില്‍ സീനിയര്‍ കോപ്പി എഡിറ്ററായിരുന്നു. കേരളത്തിനകത്തും പുറത്തുമായി നിരവധി മാധ്യമങ്ങളില്‍ പ്രവര്‍ത്തിച്ചിട്ടുണ്ട്. 2020 -ല്‍ ക്യന്‍സര്‍ ബാധ സ്ഥിരീകരിച്ചത് മുതൽ തിരുവനന്തപുരത്തെ ഫ്‌ലാറ്റിലായിരുന്നു താമസം. അസുഖം മൂര്‍ച്ചിച്ചതിനെ തുടര്‍ന്ന് പാരിപ്പള്ളിയിലെ സ്വന്തം വീട്ടിലെത്തിയതിന് പിന്നാലെ ആണ് മരണം സംഭവിച്ചത്. അപൂര്‍വ്വ, അനന്യ എന്നിവര്‍ മക്കളാണ്.
