അന്നമനട മണ്ഡലം മഹിളാ കോൺഗ്രസ് ഏകദിന ക്യാമ്പ് സംഘടിപ്പിച്ചു
മഹിളാ കോൺഗ്രസിന്റെ അന്നമനട മണ്ഡലം ഏകദിന ക്യാമ്പ് മേലഡൂർ ജീവനം ഹാളിൽ സംഘടിപ്പിച്ചു. ക്യാമ്പിന്റെ ഉദ്ഘാടനം മഹിളാ കോൺഗ്രസ് സംസ്ഥാന പ്രസിഡന്റ് ജെബി മേത്തർ എം പി നിർവഹിച്ചു.
മണ്ഡലം പ്രസിഡന്റ് ധന്യ ദേവദാസ് അധ്യക്ഷത വഹിച്ചു. മുൻ എം എൽ എ യും കെ പി സി സി സംഘടനാ ചുമതലയുമുള്ള ടി.യു രാധാകൃഷ്ണൻ മുഖ്യാതിഥി ആയി പങ്കെടുത്തു. സമാപന പൊതുസമ്മേളനം മുൻ എം പി രമ്യാ ഹരിദാസ് ഉദ്ഘാടനം ചെയ്തു.
യൂത്ത് കോൺഗ്രസ് സംസ്ഥാന ഉപാധ്യക്ഷൻ അഡ്വ. ഒ ജെ ജെനിഷ് മുഖ്യപ്രഭാഷണം നടത്തി. നിർമ്മല, റസിയ അബു, ജയശ്രി ശിവരാമൻ, കെ. ആർ പ്രേമ, ശോഭന ഗോകുൽനാഥ്, സുനിത സജീവൻ, രമാ വിജയൻ, ആനി ആൻ്റു എന്നിവർ പ്രസംഗിച്ചു. കുടുംബശ്രീയെക്കുറിച്ചുള്ള പഠന ക്ലാസ് ഷിലാവേണുഗോപാൽ നയിച്ചു.
തുടർന്ന് ചർച്ചയും, കലാപരിപാടികളും നടന്നു. സംഘാടന മികവ് അഭിനന്ദനീയമാണെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു.
