സ്വാതന്ത്രദിനാഘോഷ റാലിയും നൃത്ത ശിൽപവും സംഘടിപ്പിച്ചു

നാട്ടിക ശ്രീനാരായണ കോളേജിലെ എൻ. എസ്. എസ് യൂണിറ്റുകളുടെ ആഭിമുഖ്യത്തിൽ സ്വാതന്ത്രദിനാഘോഷത്തിൻ്റെ ഭാഗമായി റാലിയും നൃത്ത ശിൽപവും സംഘടിപ്പിച്ചു. സ്വാതന്ത്ര ദിന റാലി കോളേജ് പ്രിൻസിപ്പാൾ ഡോ. ജയ. പി.എസ് ഫ്ലാഗ് ഓഫ് ചെയ്ത് ഉൽഘാടനം ചെയ്തു. ശ്രീനാരായണ കോളേജിൽ നിന്നും തൃപ്രയാർ ബസ് സ്റ്റാൻൻ്റ് പരിസരത്തേക്ക് 70 ഓളം എൻ. എസ് എസ് വൊളൻ്റിയേഴ്സ് പങ്കെടുത്ത റാലി രാവിലെ 10.30 യോടുകൂടി എത്തിച്ചേർന്നു. തുടർന്ന് ബസ്സ്റ്റാൻഡ് പരിസരത്ത് വച്ച് സ്വാതന്ത്രദിന സന്ദേശം ഉൾക്കൊള്ളുന്ന നൃത്തശിൽപം എൻ. എസ്. എസ്. വൊളൻ്റിയേഴ്സ് അവതരിപ്പിച്ചു. എൻ. എസ്. എസ് പ്രോഗ്രാം ഓഫീസർ മാരായ ഡോ. രമ്യ വി. കെ, ബബിത. ബി, എൻ. എസ്. എസ് വൊളൻ്റിയർമാരായ ശിൽപ, ഐഷ എന്നിവർ സ്വാതന്ത്ര ദിന സന്ദേശം അറിയിച്ചു.