ശ്രീരാമചന്ദ്ര ട്രസ്റ്റ് ഓഡിറ്റോറിയത്തിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു

എടമുട്ടം : 1987- 88 കഴിമ്പ്രം ഹൈസ്കൂൾ എസ് എസ് എൽ സി കൂട്ടായ്മയുടെ ഭാഗമായി രൂപീകരിക്കപ്പെട്ട നൊസ്റ്റാൾജിയ ഫൗണ്ടേഷൻ ചാരിറ്റബിൾ ട്രസ്റ്റും ശ്രീ രാമചന്ദ്ര എജുക്കേഷണൽ ആൻഡ് ചാരിറ്റബിൾ ട്രസ്റ്റും സംയുക്തമായി ശ്രീരാമചന്ദ്ര ട്രസ്റ്റ് ഓഡിറ്റോറിയത്തിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു. നിര്യാതനായ നൊസ്റ്റാൾജിയ കൂട്ടായ്മ മെമ്പർ വി കെ കൃഷ്ണകുമാറിന്റെ സ്മരണാർത്ഥം ‘കൃഷ്ണകുമാർ നഗറി’ൽ നടന്ന ആയുർവേദ മെഡിക്കൽ ക്യാമ്പ് വലപ്പാട് ഗ്രാമ പഞ്ചായത്ത്‌ വൈസ് പ്രസിഡന്റ്‌ വി ആർ ജിത്ത് ഉദ്ഘാടനം ചെയ്തു.പതിനാലാം വാർഡ് മെമ്പർ ഫാത്തിമ സലിം അധ്യക്ഷത വഹിച്ചു. കെ വി മോഹനൻ മാസ്റ്റർ, സി കെ വത്സല ടീച്ചർ എന്നിവർ ആശംസകൾ അർപ്പിച്ചു സംസാരിച്ചു. ഐ വി രാജീവ്‌ സ്വാഗതവും വി എം ഷഫീക് അലി നന്ദിയും പറഞ്ഞു. ശാശ്വത ആയുർവേദ ആൻഡ് വെൽനസ് ക്ലിനിക്കിലെ ഡോ.അഞ്ജു വിനായക് , ഡോ.ഐശ്വര്യ കെ എസ് എന്നിവരുടെ നേതൃത്വത്തിൽ പരിശോധന നടന്നു. ക്യാമ്പിന്റെ ഭാഗമായി 100 പേർക്ക് സൗജന്യ ഔഷധ വിതരണവും, ബി. പി, ഷുഗർ സൗജന്യ പരിശോധനയും നടത്തി.