നാട്ടികയിൽ ശീനാരായണ ഗുരുദേവ ജയന്തി ആഘോഷങ്ങൾക്ക് തുടക്കമായി
തൃപ്രയാർ: നാട്ടിക ശ്രീനാരായണ ഗുരു മന്ദിരാങ്കണത്തിൽ ശ്രീനാരായണ ഗുരു ദേവന്റെ നൂറ്റിഎഴുപതാമത് ജയന്തി ആഘോഷങ്ങൾ ആരംഭിച്ചു.
രാവിലെ ആഘോഷ കമ്മിറ്റി പ്രസിഡൻറ് എ.വി.സഹദേവൻ പീത പതാക ഉയർത്തി. തുടർന്ന് വേണു ശാന്തിയുടെ കാർമികത്വത്തിൽ ശ്രീനാരായണ മന്ത്രോച്ചാരണങ്ങളാൽ ഗുരുപൂജ നടത്തി. നാട്ടിക ഗ്രാമത്തിലെ എല്ലാ വീഥീകളിലൂടെയും പഷ്പാലങ്കാരത്തോടുകൂടി രണ്ടു വാഹനങ്ങളിൽ ശ്രീനാരായണ ഗുരുദേവന്റെ ഛായാചിത്രം വഹിച്ചുകൊണ്ടുളള വാഹന ഘോഷയാത്ര നടത്തി. ഘോഷയാത്രക്ക് നാടുനീളെ ഭക്തിസാന്ദ്രമായ സ്വീകരണം ലഭിച്ചു.
ആഘോഷ പരിപാടികൾക്ക് പി.കെ. സുഭാഷ് ചന്ദ്രൻ മാസ്റ്റർ, ടി.കെ.ദയാനന്ദൻ, സി.കെ.സുഹാസ്, എൻ.എ.പി.സുരേഷ്കുമാർ,ബൈജു കോറോത്ത് ,സി.പി.രാമകൃഷ്ണൻ മാസ്റ്റർ, സുരേഷ് ഇയ്യാനി, സി.കെ.ഗോപകുമാർ, ഗണേശൻ ചിരിയാട്ട്, സി.ആർ.ശശധരൻ, അംബിക ടീച്ചർ, പവിത്രൻ ഇയ്യാനി, സുന്ദരൻ സി.ആർ, പ്രേമദാസൻ പൊഴെക്കടവിൽ,തിലകൻ പുഞ്ചപ്പാത്ത്, പ്രേംദാസ് വേളേക്കാട്ട്, ദിവാകരൻ കൊടപ്പുള്ളി,ബീന അനുരാജ്, സന്ധ്യ, റസിൻ രാജ്, രാജീവ് എം.ആർ, ജയപ്രകാശ് വാളക്കടവിൽ,അജയൻ തോട്ടുപുര,ശശിധരൻ സി.എസ് തുടങ്ങിയവർ നേതൃത്വം നൽകി. വൈകീട്ട് മുന്ന് മണിക്ക് സാംസ്കാരിക ഘോഷയാത്ര നടക്കും തുടർന്ന് ആറുമണിക്ക് നാട്ടിക ശ്രീനാരായണ ഹാളിൽ നടക്കുന്ന സാംസ്കാരിക സമ്മേളനം റവന്യൂ വകുപ്പ് മന്ത്രി കെ.രാജൻ ഉദ്ഘാടനം ചെയ്യും.
