മൾട്ടി ലോക്ക് സ്റ്റീൽ ഡോറുകളുടെ വിപുല ശേഖരവുമായി തിങ്ക്ഹൗസ്

എടമുട്ടം : ഇറക്കുമതി ചെയ്ത മൾട്ടി ലോക്ക് സ്റ്റീൽ ഡോറുകളുടെയും നിർദേശ പ്രകാരമുള്ള അളവുകളിൽ ലഭിക്കുന്ന സ്റ്റീൽ , പി വി സി ജനലുകളുടെയും വിവിധ മാതൃകകളിൽ ഉള്ള കിച്ചൻ, ടോയ്ലറ്റ് ഡോറുകളുടെയും വിപുല ശേഖരവുമായി ‘തിങ്ക്ഹൗസ് ഡോർസ് ആൻഡ് വിൻഡോസ് ‘ എന്ന സ്ഥാപനം എടത്തിരുത്തി വെസ്റ്റിൽ എലൈറ്റ് കോർണറിൽ പ്രവർത്തനം ആരംഭിച്ചു. മുൻ എം എൽ എ പ്രൊഫ. കെ യു അരുണൻ ഉദ്‌ഘാടനം ചെയ്തു. സാമൂഹിക സാംസ്‌കാരിക രംഗത്തെ നിരവധി പ്രമുഖർ ഉദ്‌ഘാടന ചടങ്ങിൽ പങ്കെടുത്തു.

ഇന്ത്യയിൽ ലഭ്യമായ എല്ലാ പ്രമുഖ ബ്രാന്ഡുകളുടെയും വിവിധ ഡിസൈനുകളിൽ ഉള്ളതും സുരക്ഷാ മാനദണ്ഡങ്ങൾ ഉറപ്പാക്കുന്നതുമായ സ്റ്റീൽ ഡോറുകളുടെ വിപുലമായ ശേഖരമാണ് ഒരുക്കിയിട്ടുള്ളതെന്നും നേരിട്ട് ഫാക്ടറികളിൽ നിന്ന് എത്തിക്കുന്നതിനാൽ ഉപയോക്താക്കൾക്ക് മികച്ച നിരക്ക് നൽകാൻ തങ്ങൾക്ക് സാധിക്കുമെന്നും മാനേജിങ് ഡയറക്ടർ ഹനീഫ വീരാൻ പറഞ്ഞു. ജില്ലാ പഞ്ചായത്ത് മെമ്പർ മഞ്ജുള അരുണൻ ആശംസകൾ നേർന്നു. തിങ്ക്ഹൗസ് മാർക്കറ്റിങ് ഡയറക്ടർ ഹനീഷ് ഹനീഫ നന്ദി രേഖപ്പെടുത്തി.