പി എസ് സി ശാരീരിക അളവെടുപ്പും കായിക ക്ഷമതാ പരീക്ഷയും 18 ന്
തൃശ്ശൂര്‍: തൃശ്ശൂര്‍ ജില്ലയില്‍ വനം വകുപ്പില്‍ ഫോറസ്റ്റ് ബോട്ട് ഡ്രൈവര്‍ (കാറ്റഗറി നം. 662/21) തസ്തികയിലേയ്ക്ക് 2024 മേയ് 21-ാം തീയതിയില്‍ പ്രസിദ്ധികരിച്ച ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കായി ശാരീരിക അളവെടുപ്പും, കായിക ക്ഷമതാ പരീക്ഷയും ഒക്‌റ്റോബര്‍ 18 ന് രാവിലെ 5.30 മുതല്‍ നടക്കും. എറണാകുളം ജില്ലയിലെ ചോറ്റാനിക്കര ഗവ. വി.എച്ച്.എസ്.എസ് ഗ്രൗണ്ടാണ് ( ചോറ്റാനിക്കര അമ്പലത്തിന്റെ അടുത്ത്) പരീക്ഷാ കേന്ദ്രം. അര്‍ഹരായ ഉദ്യോഗാര്‍ത്ഥികള്‍ കേരള പബ്ലിക് സര്‍വ്വീസ് കമ്മീഷന്റെ വെബ് സൈറ്റിലെ (www.keralapsc.gov.in) പ്രൊഫൈലില്‍ ലഭ്യമാക്കിയിട്ടുളള അഡ്മിഷന്‍ ടിക്കറ്റും, അംഗീകൃത തിരിച്ചറിയല്‍ രേഖയുടെ അസ്സലും, മെഡിക്കല്‍ സര്‍ട്ടിഫിക്കറ്റും സഹിതം ടെസ്റ്റിന്റെ ദിവസം രാവിലെ 5.30 ന് മുന്‍പായി പരീക്ഷാ കേന്ദ്രത്തില്‍ ഹാജരാകണം. ഇത് സംബന്ധിച്ച് പ്രെഫൈല്‍/ എസ്.എം.എസ് സന്ദേശങ്ങള്‍ നല്‍കിയിട്ടുണ്ട്. ഹാജരാകാത്ത ഉദ്യോഗാര്‍ത്ഥികള്‍ക്ക് മറ്റൊരവസരം നല്‍കുന്നതല്ലെന്ന് കേരള പബ്ലിക് സര്‍വ്വീസ് കമ്മീഷന്‍ ജില്ലാ ഓഫീസര്‍ അറിയിച്ചു.
