ഇൻഫോക്ക് കുവൈറ്റ് ”ഫ്ലോറൻസ് ഫിയസ്റ്റ 2024” സംഘടിപ്പിച്ചു
കുവൈറ്റ്: ഇന്ത്യൻ നഴ്സസ് ഫെഡറേഷൻ ഓഫ് കുവൈറ്റ് ( ഇൻഫോക്ക്) -ന്റെ നേതൃത്വത്തിൽ ”ഫ്ലോറൻസ് ഫിയസ്റ്റ 2024” എന്ന പേരിൽ അന്താരാഷ്ട്ര നഴ്സസ് ദിനാഘോഷം സംഘടിപ്പിച്ചു. ആധുനിക നഴ്സിങ്ങിന് അടിത്തറ പാകിയ ഫ്ലോറൻസ് നൈറ്റിംഗലിന്റെ സ്മരണയിൽ ആസ്പയർ ഇന്ത്യൻ ഇന്റർനാഷനൽ സ്കൂൾ, ജ്ലീബ് അൽ ശുവൈഖ് (അബ്ബാസിയയിൽ ) ആണ് നഴ്സസ് ദിനാഘോഷപരിപാടികൾ സംഘടിപ്പിച്ചത്. ഇന്ത്യൻ എംബസി കുവൈറ്റ് ഫസ്റ്റ് സെക്രട്ടറി (കമ്യൂണിറ്റി വെൽഫെയർ ആൻഡ് ലേബർ) മനസ് രാജ് പട്ടേൽ, ഡയറക്ടർ ഓഫ് നഴ്സിങ് സർവീസ് സ്റ്റേറ്റ് ഓഫ് കുവൈറ്റ് ഡോക്ടർ ഇമാൻ യൂസഫ് അൽ അവാദി തുടങ്ങി കുവൈറ്റിന്റെ സമൂഹ്യസംസ്കാരിക രംഗത്തെ പ്രമുഖർ പങ്കെടുത്ത സാംസ്കാരിക സമ്മേളനത്തിൽ കുവൈറ്റിലെ വിവിധ ഹോസ്പിറ്റലുകളിൽ ദീർഘകാലം ജോലി ചെയ്ത സീനിയർ നഴ്സസിനെ മെമന്റോ നൽകി ആദരിച്ചു. ഇൻഫോക് പ്രസിഡന്റ് ബിബിൻ ജോർജ് അധ്യക്ഷത വഹിച്ച സമ്മേളനത്തിൽ എംബസ്സി പ്രതിനിധി മനസ്സ് രാജ് പട്ടേൽ സമ്മേളനം ഉദ്ഘാടനം ചെയ്തു. ഡയറക്ടർ ഓഫ് നഴ്സിങ് സർവീസ് സ്റ്റേറ്റ് ഓഫ് കുവൈറ്റ് ഡോക്ടർ ഇമാൻ യൂസഫ് അൽ അവാദി ഇന്ത്യൻ നഴ്സസിന്റെ കഴിവിനെയും കഠിനാധ്വാനത്തെയും മുഖ്യപ്രഭാഷണത്തിൽ പരാമർശിച്ചു. ഇൻഫോക്ക് സെക്രട്ടറി ഹിമ ഷിബു സ്വാഗതം പറഞ്ഞ ചടങ്ങിൽ ഇൻഫോക് ട്രഷറർ അംബിക ഗോപൻ നന്ദി പ്രകാശനം നടത്തി .
ഈ വർഷം സമൂഹ്യക്ഷേമ പ്രവർത്തങ്ങളുടെ ഭാഗമായി “ഇൻഫോക് കെയർ “എന്ന പുതിയൊരു പദ്ധതിക്ക് രൂപം നല്കുകയും ‘ഇൻഫോക് കെയറിന്റെ’ ഔദ്യോഗിക ലോഗോ ഇൻഫോക് സബാ ഏരിയ കോർഡിനേറ്റർ വിജേഷ് വേലായുധൻ പ്രകാശനം നടത്തുകയും ചെയ്തു.
മയൂഖം സ്കൂൾ ഓഫ് ഡാൻസിന്റെ കൊറിയോഗ്രാഫിയിൽ കുവൈറ്റിലെ നഴ്സസും അവരുടെ കുട്ടികളും പങ്കെടുത്ത നൃത്തപരിപാടികളും അരങ്ങേറി. ” *ZEE കേരളം SaReGaMaPa” റിയാലിറ്റി ഷോ ഫെയിം അശ്വിൻ വിജയൻ , ഭരത് സജികുമാർ , ശ്വേത അശോക് , ശ്രീജിഷ് സുബ്രമണ്യൻ എന്നിവർ അവതരിപ്പിച്ച സംഗീതനിശ നഴ്സസ് ദിനാഘോഷ കലാപരിപാടികളുടെ പ്രധാന ആകർഷണമായി.
