ഇവാൻ ഇളങ്കോയുടെ ദീപ്‌തമായ ഓർമ്മക്ക് 7 വയസ്
തൃപ്രയാർ: ചിത്രകലയിലെ യുവ വിസ്മയമായിരുന്ന ഇവാൻ ഇളങ്കോയുടെ ഓർമ്മകൾക്ക് 7 വയസായിരിക്കുന്നു. ആകസ്മികമായി ഉണ്ടായ അപകടത്തിൽ കാലയവനികയിൽ മറഞ്ഞ ഇളങ്കോയുടെ ദീപ്‌തമായ ഓർമ്മകൾ ഉർജ്ജമാക്കിയ ഇളങ്കോയുടെ സുഹൃത്തുക്കളും മാതാപിതാക്കളും അവന്റെ ജന്മദിനത്തിൽ എല്ലാവർഷവും ഓർമ്മകൾക്കൊപ്പം കൂട്ടിരിക്കുന്നു അഥവാ ഇളങ്കോക്ക് ഇഷ്ടമായിരുന്ന പാട്ടിന്റെ ലോകം സൃഷ്ടിക്കുന്നു, ചിത്രം വരക്കുന്നു, കുട്ടികളുടെ സർഗ്ഗശേഷി വികസിപ്പിക്കുന്നതിനായി ചിത്രകല, ക്ലേ മോഡലിംഗ് തുടങ്ങിയ പരിപാടികൾ സംഘടിപ്പിക്കുന്നു. ഇളങ്കോയുടെ ഓർമ്മകൾ കുടികൊള്ളുന്ന ടെമ്പിൾ ഓഫ് ആർട് സംഘടിപ്പിക്കുന്ന ‘കളിമൺ കനവുകൾ’ എന്ന പേരിൽ നടക്കുന്ന ഈ വർഷത്തെ സംഗമം മെയ് 17-ന് കോതകുളം ബീച്ചിൽ ആണ് നടക്കുക. പരിപാടിയിൽ പങ്കെടുക്കാൻ താല്പര്യമുള്ള വിദ്യാർത്ഥികൾക്ക് 97448 90646, 85478 49748 എന്നീ നമ്പറുകളിൽ ബന്ധപ്പെടാവുന്നതാണ്.
