യംഗ് ഇന്ത്യ യൂത്ത് സോക്കർ ഫെസ്റ്റ് 2024 ; ബ്ലൂമൂൺ എഫ് സി ജേതാക്കൾ

തൃപ്രയാർ : യംഗ് ഇന്ത്യ മാർച്ച് ബൂത്ത് ലെവൽ ലീഡേഴ്സ് മീറ്റ് പ്രചരണാർത്ഥം നാട്ടിക മണ്ഡലം യൂത്ത് കോൺഗ്രസ് കമ്മിറ്റി സംഘടിപ്പിച്ച യൂത്ത് സോക്കർ ഫെസ്റ്റിലെ സമ്മാനങ്ങൾ വിതരണം ചെയ്തു. തളിക്കുളം ലെജൻഡ്സ് അരീനയിൽ സംഘടിപ്പിച്ച ചടങ്ങ് ഗ്രാമപഞ്ചായത്തംഗം ആന്റോ തൊറയൻ ഉദ്ഘാടനം ചെയ്തു .മണ്ഡലം പ്രസിഡന്റ്‌ രാനീഷ്. കെ. രാമൻ അദ്ധ്യഷത വഹിച്ചു. ബ്ലൂമൂൺ സ്പോട്ടിംഗ് എഫ്.സി ജേതാക്കളായപ്പോൾ എസ്.എഫ് .എ.തൊയക്കാവ് റണ്ണേഴ്സ് ട്രോഫി കരസ്ഥമാക്കി. ലാലുവിനെ ടൂർണമെന്റിലെ താരമായി തെരഞ്ഞെടുത്തു. യൂത്ത് കോൺഗ്രസ് നാട്ടിക നിയോജക മണ്ഡലം പ്രസിഡണ്ട് അഡ്വ. എ.വി. യദുകൃഷ്ണൻ , വൈസ് പ്രസിഡണ്ട് കിരൺ തോമസ്, കെ.പി.സി.സി. വിചാർ വിഭാഗം നാട്ടിക നിയോജക മണ്ഡലം ചെയർമാൻ ഷൈൻ നാട്ടിക, അഭിഷിക്, സത്യൻ എന്നിവർ അഭിവാദ്യങ്ങൾ അർപ്പിച്ച് സംസാരിച്ചു .