കുവൈറ്റ് ലുലു ഹൈപ്പര്മാര്ക്കറ്റിൽ ‘ഇന്ത്യ ഉത്സവ്’

കുവൈറ്റ്: ഇന്ത്യയുടെ 78-ാം സ്വാതന്ത്ര്യദിന ആഘോഷങ്ങളുടെ ഭാഗമായി കുവൈറ്റ് ലുലു ഹൈപ്പർമാർക്കറ്റിൽ ‘ഇന്ത്യ ഉത്സവ്’ ഫെസ്റ്റിവലിന് തുടക്കമായി.

ഇന്ത്യയുടെ ഉത്പ്പന്നങ്ങൾ, സംസ്കാരം, പൈതൃകം എന്നിവ വിളിച്ചോതുന്ന നിരവധി ഭക്ഷ്യ വസ്തുക്കൾ, കലാപ്രകടനങ്ങൾ, ഇന്ത്യൻ പാരമ്പര്യം വിളിച്ചോതുന്ന നിശ്ചല ദൃശ്യങ്ങൾ, ഇന്ത്യൻ പാരമ്പര്യവുമായി ബന്ധപ്പെട്ട് കുട്ടികൾക്കുള്ള മത്സരങ്ങൾ തുടങ്ങി നിരവധി പരിപാടികൾ ആണ് ‘ഇന്ത്യ ഉത്സവ്’ മുന്നോട്ട് വെക്കുന്നത് . പാരമ്പര്യത്തിന്റെയും പുതുമയുടെയും ഇഴചേർന്ന ബന്ധം വരച്ചു കാട്ടുന്ന ഫെസ്റ്റിവൽ ഒരാഴ്ച്ചകാലം നീണ്ടു നില്കും.

ലുലു ഡയറക്ടർ മുഹമ്മദ് ഹാരിസിന്റെ അധ്യക്ഷതയിൽ ഇന്ത്യൻ സ്ഥാനപതി ഡോ . ആദർശ് സ്വൈക ‘ഇന്ത്യ ഉത്സവ്’ ഉദ്ഘാടനം ചെയ്തു . നിരവധി കലാപരിപാടികളും മത്സരങ്ങളും ഈ കാലയളവിൽ നടക്കുമെന്ന് മാനേജ്‌മെന്റ് അറിയിച്ചു .