സി-ഡിറ്റില്‍ മാധ്യമ കോഴ്സിന് അപേക്ഷ ക്ഷണിച്ചു
സി-ഡിറ്റ് തിരുവനന്തപുരം ഹെഡ് ഓഫീസില്‍ നടത്തുന്ന ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍ (ഡിഡിഎംപി) കോഴ്സിന് അപേക്ഷ ക്ഷണിച്ചു. മീഡിയ പ്രൊഡക്ഷന്‍, ഫിലിം – ടെലിവിഷന്‍ പ്രൊഡക്ഷന്‍, ഗ്രാഫിക്/ അനിമേഷന്‍, സോഷ്യല്‍ മീഡിയ കണ്ടെന്റ് ക്രീഷന്‍ ആന്റ് പ്രൊഡക്ഷന്‍ മേഖലകളില്‍ ജോലി സാദ്ധ്യതകളുള്ള കോഴ്സിന് പ്ലസ് ടു അടിസ്ഥാന യോഗ്യതയുള്ളവര്‍ക്ക് അപേക്ഷിക്കാം. ആറു മാസമാണ് കോഴ്സിന്റെ ദൈര്‍ഘ്യം.കോഴ്സിനായി അപേക്ഷിക്കുന്ന തിരഞ്ഞെടുത്ത വിഭാഗത്തിലെ വിദ്യാര്‍ത്ഥികള്‍ക്ക് കേരള നോളഡ്ജ് ഇക്കോണമി മിഷന്‍ (കെകെഇഎം) കീഴില്‍ വരുന്ന കെ-ഡിസ്‌ക് പ്രോജെക്ടില്‍ ഉള്‍പ്പെടുത്തി സ്‌കോളര്‍ഷിപ്പ് ലഭിക്കും. ദൃശ്യ മാധ്യമ രംഗത്ത് ഒട്ടനവധി ജോലി സാദ്ധ്യതകളുള്ള ഈ കോഴ്സിന് അപേക്ഷിക്കാനുള്ള അവസാന തിയതി 2024 ഓഗസ്റ്റ് 25. താല്‍പ്പര്യമുള്ളവര്‍ കമ്മ്യൂണിക്കേഷന്‍ കോഴ്സസ് ഡിവിഷനുമായി ബന്ധപ്പെടുക. വെബ്‌സൈറ്റ് https://mediastudies.cdit.org ഫോണ്‍: 8547720167.
