“ഓണമാണ് ഓർമ്മ വേണം” കുവൈറ്റിൽ പ്രദർശിപ്പിച്ചു

കുവൈറ്റ്: പ്രതിഭ ഫിലിം ക്രിയേഷന്റെ “ഓണമാണ് ഓർമ്മ വേണം” എന്ന സിനിമ അഹമ്മദി ഡി പി എസ് ഓഡിറ്റോറിയത്തിൽ പ്രദർശിപ്പിച്ചു. സിനിമയുടെ തിരക്കഥാകൃത്തും സംവിധായകനുമായ സാബു സൂര്യ ചിത്ര സിനിമ പ്രേമികളുടെ പങ്കാളിത്തം അഭിമാനകരമാണെന്ന് അഭിപ്രായപ്പെട്ടു. 120-ൽ പരം കലാകാരൻമാരെ അണിനിരത്തി പൂർണ്ണമായും കുവൈത്തിൽ ചിത്രീകരിച്ച സിനിമയുടെ നിർമ്മാണത്തിൽ പങ്കാളിയാകാൻ കഴിഞ്ഞതിൽ നിർമ്മാതാവ് രേഷ്മ ശരത് സന്തോഷം രേഖപ്പെടുത്തി.
പ്രദർശനത്തിൽ കുവൈറ്റിലെ സാമൂഹിക, സാംസ്കാരിക, മാധ്യമപ്രവർത്തകർ പങ്കെടുത്തു. വയനാട് ദുരന്തത്തെ അനുസ്മരിച്ചുകൊണ്ട് തുടങ്ങിയ ചടങ്ങിൽ രേഷ്മ ശരത്ത് സ്വാഗതവും ഐ.എ .എഫ് പ്രസിഡന്റ് ഷെറിൻ മാത്യു നന്ദിയും രേഖപ്പെടുത്തി .
സംവിധായകൻ സാബു സൂര്യചിത്രയെ ശരത് നായർ പൊന്നാട അണിയിച്ച് ആദരിച്ചു .കെ .എഫ് . ഇ ചെയർമാൻ ജീനു വൈക്കത്ത് നിർമ്മാതാവ് രേഷ്മ ശരത്തിന് മൊമെന്റോ കൈമാറി. അസോസിയേറ്റ് ഡയറക്ടർ അരവിന്ദ് കൃഷ്ണൻ, അഖില അൻവി, ക്യാമറമാൻ നിവിൻ സെബാസ്റ്റിൻ, പ്രമോദ് മേനോൻ, സീനു മാത്യു, ഷൈനി സാബു, രമ അജിത് എന്നിവർ സ്പോൺസേഴ്സിനുള്ള മൊമെന്റൊ കൈമാറി.
അവതാരക രമ്യ രതീഷ് പ്രോഗ്രാം നിയന്ത്രിച്ചു. വൈകാതെ തന്നെ ചിത്രം ഒ.ടി .ടി യിലൂടെ പ്രേക്ഷകരിലേക്ക്‌ എത്തിക്കാൻ ആണ് പദ്ധതി എന്ന് രേഷ്മ ശരത് പറഞ്ഞു.