മദ്രസാധ്യാപക ക്ഷേമനിധി മെറിറ്റ് അവാര്ഡ്: അപേക്ഷ ക്ഷണിച്ചു
2024-25 അധ്യയന വര്ഷം എസ്.എസ്.എല്.സി, പ്ലസ് ടു പരീക്ഷകളില് മുഴുവന് വിഷയങ്ങള്ക്കും എ പ്ലസ് നേടിയ മദ്രസാധ്യാപക ക്ഷേമനിധി അംഗങ്ങളുടെ മക്കള്ക്ക് മെറിറ്റ് അവാര്ഡ് നല്കുന്നതിനായി മദ്രസാധ്യാപക ക്ഷേമനിധി ബോര്ഡ് അപേക്ഷ ക്ഷണിച്ചു. ക്ഷേമനിധിയില് അംഗത്വമെടുത്ത് കുടിശ്ശികയില്ലാതെ രണ്ട് വര്ഷം പൂര്ത്തിയാക്കിയ അംഗങ്ങള്ക്ക് അപേക്ഷിക്കാം. അപേക്ഷാ ഫോറവും കൂടുതല് വിവരങ്ങളും www.kmtboard.in എന്ന വെബ്സൈറ്റില് ലഭ്യമാണ്. പൂരിപ്പിച്ച അപേക്ഷയും അനുബന്ധ രേഖകളും സഹിതം ആഗസ്റ്റ് 31 നകം ചീഫ് എക്സിക്യൂട്ടിവ് ഓഫീസര്, കേരള മദ്രസാധ്യാപക ക്ഷേമനിധി ഓഫീസ്, കെ.യു.ആര്.ഡി.എഫ്.സി ബില്ഡിംഗ്, രണ്ടാം നില, ചക്കോരത്ത്കുളം, വെസ്റ്റ്ഹില് പി.ഒ, കോഴിക്കോട്-673005 എന്ന വിലാസത്തില് സമര്പ്പിക്കണം. ഫോണ്: 0495 2966577, 9188230577.
