🏏 യുഎഇയെ തകർത്തെറിഞ്ഞ് കിവികൾ; ചെപ്പോക്കിൽ ന്യൂസിലൻഡിന് ആധികാരിക ജയം

ചെന്നൈ: ചെന്നൈയിലെ സ്പിൻ പിച്ചിൽ അട്ടിമറി ലക്ഷ്യമിട്ടിറങ്ങിയ യുഎഇയെ പത്തു വിക്കറ്റിന് തകർത്ത് ന്യൂസിലൻഡ് തങ്ങളുടെ രണ്ടാം വിജയത്തോടെ ഗ്രൂപ്പ് ഡിയിൽ ഒന്നാമതെത്തി. ടോസ് നേടി ആദ്യം ബാറ്റിംഗിനിറങ്ങിയ യുഎഇ ഉയർത്തിയ 174 റൺസ് വിജയലക്ഷ്യം, വിക്കറ്റൊന്നും നഷ്ടപ്പെടുത്താതെ 15.2 ഓവറിൽ ന്യൂസിലൻഡ് മറികടന്നു.

​ആദ്യം ബാറ്റ് ചെയ്ത യുഎഇക്ക് ക്യാപ്റ്റൻ മുഹമ്മദ് വസീമി(66)ന്റെയും മലയാളി താരം അലിഷാൻ ഷറഫു(55)വിന്റെയും പ്രകടനം മികച്ച സ്കോർ സമ്മാനിച്ചു. രണ്ടാം വിക്കറ്റിൽ ഇവർ പടുത്തുയർത്തിയ 107 റൺസിന്റെ കൂട്ടുകെട്ട് കിവികളെ ഒരു ഘട്ടത്തിൽ സമ്മർദ്ദത്തിലാക്കിയിരുന്നു. എന്നാൽ അവസാന ഓവറുകളിൽ മാറ്റ് ഹെൻറിയും ലോക്കി ഫെർഗൂസണും കൃത്യമായ ഇടവേളകളിൽ വിക്കറ്റുകൾ വീഴ്ത്തിയതോടെ യുഎഇയുടെ സ്കോർ 20 ഓവറിൽ 173/6 എന്ന നിലയിലൊതുങ്ങി.

​തകർത്തടിച്ച കിവി ഓപ്പണർമാർ ​മറുപടി ബാറ്റിംഗിൽ യുഎഇ ബൗളർമാരെ നിഷ്പ്രഭരാക്കുന്ന പ്രകടനമാണ് ന്യൂസിലൻഡ് ഓപ്പണർമാർ കാഴ്ചവെച്ചത്.

മാൻ ഓഫ് ദി മാച്ച് ആയ B​ടിം സിഫെർട്ട് 89 റൺസ് നേടി സിക്സറിലൂടെ വിജയം ഉറപ്പിച്ചു.
​ഫിൻ അലൻ 84 റൺസുമായി കട്ടക്കുനിന്നു.
​ഒരവസരത്തിൽ പോലും യുഎഇ ബൗളർമാർക്ക് പഴുത് നൽകാതെയായിരുന്നു ഇരുവരുടെയും ബാറ്റിംഗ് വെടിക്കെട്ട്. വെറും 15.2 ഓവറിൽ 175 റൺസെടുത്ത് ന്യൂസിലൻഡ് ലക്ഷ്യം കണ്ടു.
​
​യുഎഇ: 173/6 (20 ഓവർ)
​ന്യൂസിലൻഡ്: 175/0 (15.2 ഓവർ)
ന്യൂസിലൻഡ് 10 വിക്കറ്റിന് വിജയിച്ചു.