ബംഗ്ലാദേശിനെ തകർത്തുവിട്ട് ഓറഞ്ച് പട; നെതർലൻഡ്സിന്‍റെ ജയം 87 റൺസിന്
കൊല്‍ക്കത്ത: ഏകദിന ലോകകപ്പിൽ ബംഗ്ലാദേശിന് തുടർച്ചയായ അഞ്ചാം തോൽവി. 87 റണ്‍സിന്‍റെ വമ്പന്‍ ജയമാണ് നെതര്‍ലന്‍ഡ്‌സ് ബംഗ്ലാദേശിനെതിരെ നേടിയത്. 230 റണ്‍സ് വിജയലക്ഷ്യം പിന്തുടര്‍ന്ന ബംഗ്ലാദേശിനെ 42.2 ഓവറില്‍ 142 റണ്‍സിന് നെതര്‍ലന്‍ഡ്‌സ് എറിഞ്ഞിട്ടു. 40 പന്തില്‍ നിന്ന് 35 റണ്‍സെടുത്ത മെഹിദി ഹസന്‍ മിറാസാണ് ബംഗ്ലാദേശിന്റെ ടോപ് സ്‌കോറര്‍. നെതര്‍ലന്‍ഡ്സിനായി പോള്‍ വാന്‍ മീകീരന്‍ 23 റണ്‍സിന് നാല് വിക്കറ്റെടുത്തപ്പോള്‍ ബാസ് ഡി ലീഡ രണ്ട് വിക്കറ്റ് വീഴ്ത്തി.
